ايماقتار • 25 قىركۇيەك، 2020

اتىراۋدا ەگىز ۇل امان-ەسەن تابىلدى

505 رەت كورسەتىلدى

كەشە، 24 قىركۇيەكتە اتىراۋ قالاسىندا 4 جاسار ەگىز ۇل جوعالىپ كەتكەن. ولار جۇلدىز ىقشاماۋدانىنداعى ۇيىنەن شىعىپ كەتىپ، قايتا ورالماعان، دەپ حابارلايدى Egemen.kz

"2016 جىلى تۋعان ەگىز ۇل – ەرنار مەن ەرنۇر يلياسوۆتاردىڭ جوعالعانى تۋرالى  ساعات 17:00 شاماسىندا "102" وپەراتورىنا حابار ءتۇستى. ولاردى ىزدەگەن پوليتسيا قىزمەتكەرلەرى ىقشاماۋدان اۋماعىن ءجىتى تەكسەردى. پوليتسەيلەر ءبىر-بىرىمەن راتسيا  ارقىلى ۇدايى بايلانىستا بولدى. ارادا ەكى ساعات وتكەندە پوليتسيا كاپيتانى دانيار تايبۋريەۆ بايلانىسقا شىعىپ، جۇلدىز ىقشاماۋدانىنداعى 6-كوشەدە اداسىپ جۇرگەن بالانى تاپقانىن   حابارلادى. ول جوعالعان ەگىزدەردىڭ ءبىرى ەرنار بولىپ شىقتى. جارتى ساعاتتان كەيىن پوليتسيا اعا لەيتەنانتى قانات يسپۋسينوۆ وسى ىقشاماۋداننىڭ شەتىندە ورنالاسقان "ساۆاننا" دەمالىس ورنىنىڭ ارتىنان كىشكەنتاي بالانى تاۋىپ الدى. ونىڭ ەرنۇر ەكەنى انىقتالدى. پوليتسەيلەر ەگىز ۇلدى وتباسىمەن قاۋىشتىردى"، دەپ حابارلادى وبلىستىق دەپارتامەنتىنىڭ ءباسپاسوز قىزمەتى.

سوڭعى جاڭالىقتار

ۇقساس جاڭالىقتار