ايماقتار • 25 قىركۇيەك، 2020

قوستاناي وبلىسىنىڭ اكىمى قانشا ايلىق الادى؟

223 رەت كورسەتىلدى

قوستاناي وبلىسىنىڭ اكىمى ارحيمەد مۇحامبەتوۆ سىبايلاس جەمقورلىققا قارسى اگەنتتىكتىڭ باستاماسىمەن ءوتىپ جاتقان Antikor live جوباسى اياسىندا ءسوز سويلەپ، ونى Instargram جەلىسىندەگى جەكە پاراقشاسىندا جاريالادى، دەپ حابارلايدى Egemen.kz

ايماق باسشىسى "سىبايلاس جەمقورلىق ءبىز ءۇشىن ەمەس" اتتى جالپىرەسپۋبليكالىق شاراعا قولداۋ كورسەتتى. اكىمدىكتەردى اشىق ءارى قولجەتىمدى ەتۋ ماقساتىندا وبلىستا اتقارىلىپ جاتقان شارالار جونىندە ءسوز وربىتكەن ءوڭىر باسشىسى ءوزىنىڭ ەڭبەكاقى مولشەرىن دە اتاپ، ايىنا 766 مىڭ تەڭگە جالاقى الاتىنىن ايتتى. 

"جەرگىلىكتى اتقارۋشى ورگاندار سىبايلاس جەمقورلىقتىڭ الدىن الۋ ماسەلەلەرىنە ەرەكشە نازار اۋدارۋدا. سىبايلاس جەمقورلىق قۇقىق بۇزۋشىلىقتارعا قارسى ءىس-قيمىل جانە الدىن الۋ جونىندەگى ءىس-شارالاردى ايقىندايتىن باعدارلامالىق قۇجاتتاردى ىسكە اسىرۋ بويىنشا شارالار تۇراقتى نەگىزدە قابىلدانادى. "وڭىرلەر – سىبايلاس جەمقورلىقتان ادا» جوباسىن ىسكە اسىرۋ اياسىندا 2018 جىلدان باستاپ "قوستاناي – ادالدىق الاڭى" جوبالىق كەڭسەسى جۇمىس ىستەيدى، ونىڭ ماقساتى ازاماتتار ءۇشىن كەدەرگىسىز جانە جايلى جاعدايلار جاساۋ، تۇرمىستىق سىبايلاس جەمقورلىقتى جويۋ، سونداي-اق پاراساتتىلىق، ادالدىق جانە ادىلدىك سياقتى قاعيداتتاردى تاراتۋ بولىپ تابىلادى. قۇرمەتتى قوستانايلىقتار! ەگەر سىزدەردى تولعاندىراتىن سۇراقتارىڭىز نەمەسە ۇسىنىستارىڭىز بولسا، پوست تۇسىنىكتەمەلەرىندە كورسەتۋدى سۇرايمىن"، دەدى ارحيمەد مۇحامبەتوۆ.

اتالعان اكتسيانىڭ بيىل "ادالدىق الاڭى" جوبالىق كەڭسەسىنىڭ باستاماسى بويىنشا قولعا الىنعانىن ايتا كەتكەن ءجون. تاياۋدا عانا قوستاناي وبلىسىنا رەسپۋبليكالىق كەڭسە باسشىسى تولەگەن بايعۇلوۆ جۇمىس ساپارىمەن كەلىپ، قالا جانە اۋدان اكىمدەرىن "وڭىرلەر – سىبايلاس جەمقورلىقتان ادا" جوباسىنا قولداۋ كورسەتۋگە شاقىرعان. جالپىرەسپۋبليكالىق شارا بيىلعى 9-جەلتوقسانعا دەيىن جالعاسادى.

سوڭعى جاڭالىقتار

ۇقساس جاڭالىقتار