ۆوستوچنىي كوشەسىنىڭ بويىندا بوي كوتەرگەن جاڭا ۇيگە كوپتەن بەرى باسپانا كەزەگىندە تۇرعان تۇرمىسى تومەن وتباسىلار, كامەلەت جاسقا تولعان جەتىم بالالار, مۇمكىندىگى شەكتەۋلىلەر مەن كوپ بالالى وتباسىلار قونىستاندى. بىراق ءۇي جالدامالى بولعاندىقتان, تۇرعىنداردىڭ ەشقايسى پاتەرىن جەكەشەلەندىرە المايدى.
بەس قاباتتى بۇل تۇرعىن ءۇيدى "نۇرلى جەر" مەملەكەتتىك باعدارلاماسى اياسىندا جەرگىلىكتى "رۋدنىيسوكولوۆقۇرىلىس" اق-نىڭ ماماندارى تۇرعىزىپتى. كەنشىلەر قالاسىندا بىلتىر كوپ قاباتتى ءبىر تۇرعىن ءۇي پايدالانۋعا بەرىلىپ ەدى. بيىل جەرگىلىكتى قۇرلىسشىلاردىڭ كۇشىمەن تاعى ءبىر ءۇي سالىنىپ, ەل يگىلىگىنە تاپسىرىلىپ وتىر.
"سۋ كەلىپ تۇر, جارىق بار, كوگىلدىر وتىن تارتىلعان. ءۇيدىڭ ساپاسى جوعارى, قابىرعالارى قىزىل كىرپىشتەن كوتەرىلدى. ءۇش جىلعا كەپىلدىك بەرىپ وتىرمىز. رۋدنىي تۇرعىندارى ءۇشىن باسپانا تۇرعىزۋدى بىزگە سەنىپ تاپسىرعان قالا باسشىلارىنا العىس ايتامىن. ءبىز قوستاراپتى ارىپتەستىك شەڭبەرىندە ءالى تالاي تۇرعىن ءۇي تۇرعىزاتىن بولامىز", دەدى "تاۋتۇرعىنۇيقۇرىلىس" باسقارماسىنىڭ باسشىسى انتون دەرگۋنوۆ.
قۇرىلىس باسقارماسى باسشىسىنىڭ سوزىنشە, الداعى جىلى رۋدنىيدا تاعى ءبىر كوپ قاباتتى ءۇيدىڭ قۇرىلىسى قولعا الىنباق.
