"نۇر-سۇلتان قالاسى بويىنشا "Nur Otan" پارتياسىنىڭ سايلاۋالدى باعدارلاماسىنىڭ نەگىزىنە 10 نەگىزگى باسىم باعىت كىردى. ءبىرىنشى تارماقتا جەڭىلدىكپەن قولجەتىمدى باسپانامەن قامتاماسىز ەتۋ بەكىتىلگەن. اتالعان ماسەلە بويىنشا اۋقىمدى, جۇيەلى جۇمىس اتقارىپ جاتىرمىز, ونىڭ ىشىندە تۇرعىن ءۇي قۇرىلىس جيناق بانكى جانە قازاقستان يپوتەكالىق كومپانياسىمەن دە بىرلەسە جۇمىس اتقارۋدامىز.
ءبىزدىڭ ءورت سوندىرۋشىلەر كۇن سايىن ەرلىك جاسايدى – قالا تۇرعىندارىنىڭ ءومىرىن قۇتقارادى. ءبىز قيك-پەن بىرلەسىپ, الەۋمەتتىك پاتەر الاتىندار ساناتىن كەڭەيتتىك, ەندى ولاردىڭ قاتارىنا توتەنشە جاعدايلار دەپارتامەنتىنىڭ قىزمەتكەرلەرى دە كىرەدى. بۇعان دەيىن بۇل تىزىمگە الەۋمەتتىك قىزمەتكەرلەر, پوليتسەيلەر, مادەنيەت جانە سپورت ماماندارىن دا ەنگىزگەن بولاتىنبىز. بيىل جوعارىدا اتالعان ساناتتاردان وزگە قيك باعىتى بويىنشا بەرىلەتىن 1 مىڭ الەۋمەتتىك پاتەرگە دەنساۋلىق ساقتاۋ مەن ءبىلىم بەرۋ سالاسىنىڭ قىزمەتكەرلەرى دە ۇمىتتەنە الادى.
باسپانا ساتىپ الۋعا تاعى ءبىر ۇلكەن كومەك – تۇرعىن ءۇي سەرتيفيكاتتارى. ولاردى باستاپقى جارنا رەتىندە پايدالانۋعا بولادى. بۇل باعىت بويىنشا دا الۋشىلار ساناتىن كەڭەيتتىك. ەگەر بۇرىن تىزىمدە تەك تولىق ەمەس وتباسىلار, كوپبالالى جانۇيالار مەن مۇگەدەك بالا تاربيەلەپ وتىرعان وتباسىلار بولسا, ەندى تىزىمگە حالىقتىڭ الەۋمەتتىك وسال توپتارىنىڭ بارلىق ساناتى كىرەدى. مىسالى, ولار جەتىم بالالار, 1 جانە 2 توپتاعى مۇگەدەكتەر, زەينەتكەرلەر, ارداگەرلەر مەن تاعى باسقالار. تۇرعىن ءۇي سەرتيفيكاتتارى 1 ملن تەڭگە كولەمىندە بەرىلەدى, ولاردى "شاڭىراق" (5-10-20) جوباسىنا قاتىسۋ ءۇشىن پايدالانۋعا دا بولادى.
مەملەكەت باسشىسىنىڭ تاپسىرماسىمەن بيىل قولجەتىمدى باسپانا قۇرىلىسىنىڭ كولەمى ءۇش ەسە ارتتى", - دەپ جازدى التاي كولگىنوۆ.
