ايماقتار • 22 قىركۇيەك، 2020

قوستاناي وبلىسىندا 21 ادام سۋعا كەتكەن

9 رەت كورسەتىلدى

توتەنشە جاعداي دەپارتامەنتى باسشىسىنىڭ ورىنباسارى ريزابەك قابىلبەكوۆتىڭ ايتۋىنشا، وبلىستا جازعى شومىلۋ ماۋسىمىندا 18 ادام سۋعا كەتكەن. كوز جۇمعانداردىڭ ىشىندە التى ادامنىڭ وزەنگە ماس كۇيىندە تۇسكەنى انىقتالىپ وتىر، دەپ حابارلايدى Egemen.kz.

سونداي-اق، وزدەرىمەن بىرگە قۇتقارۋ قۇرالىن الماي بالىق اۋلاۋعا شىققان 4 ادام سۋعا باتىپ كوز جۇمعان. ال 5 ادام شامادان تىس الىسقا ءجۇزىپ بارىپ، كۇشى سارقىلىپ كەرى قايتا الماي سۋ استىندا قالعان.  وكىنىشكە قاراي، ەرەسەك ادامداردىڭ سالعىرتتىعىنان 3 بالا سۋعا باتىپ كەتكەن. اتالعان قايعىلى وقيعانىڭ بارلىعى دا شومىلۋعا رۇقسات ەتىلمەگەن سۋ قويمالارىندا ورىن الىپ وتىر.

- ءبىز 2638 رەيد جۇرگىزىپ، دەمالۋشىلار مەن بالىقشىلارعا ەسكەرتپە نۇسقاۋ بەردىك.   اكىمدىكپەن بىرلەسە وتىرىپ، سۋ جاعالاۋلارىنا  «شومىلۋعا تىيىم سالىنادى» دەگەن 440 انشلاگ ورناتتىق. رەيد شارالارى بارىسىندا 77 ادامعا ەسكەرتۋ بەرىلدى. سۋ جاعاسىندا سپيرتتىك ىشىمدىك ىشكەن جۇزدەن استام تۇرعىنعا 800 مىڭعا جۋىق ايىپپۇل سالىندى، دەدى ريزابەك قابىلبەكوۆ.

 قوستاناي وبلىسى

سوڭعى جاڭالىقتار

تسيرك - الەم نازارىندا

قازاقستان • بۇگىن، 20:51

ۇقساس جاڭالىقتار