وسى ورايدا Jas Otan جاستار قاناتىنىڭ جەتەكشىسى ەلنۇر بەيسەنباەۆ باعدارلامانىڭ ەرەكشەلىگى مەن دايىندالۋ بارىسى تۋرالى ايتىپ بەردى. Nur Otan پارتياسىنىڭ كوشباسشىسى ن.نازارباەۆتىڭ تاپسىرماسى بويىنشا 5 جىلعا جوسپارلانعان «جاستار – وتانعا!» باعدارلاماسىنىڭ جوباسى ازىرلەندى. باعدارلاما ەلىمىزدىڭ ۇزدىك ساراپشىلارى مەن ساياساتتانۋشىلاردىڭ قاتىسۋىمەن جاستار ماسەلەسىنە قاتىستى حالىقارالىق ۇيىمداردىڭ كونتسەپتسيالارى, الەمدىك ۇردىستەر مەن تاجىريبەلەردى ەسكەرە وتىرىپ دايىندالدى. باعدارلامانى دايىنداۋ بارىسىندا بىزگە الەۋمەتتىك جەلىلەر, ونلاين جانە وفلاين كەزدەسۋلەر مەن تالقىلاۋلار ارقىلى 3 765 ۇسىنىس كەلىپ ءتۇستى. سونىمەن قاتار جاقىندا jasotan.kz سايتىندا باعدارلامانى ىسكە اسىرۋ جونىندەگى ءىس-شارالارمەن ناقتى كورسەتكىشتەر كورسەتىلگەن 216 شارادان تۇراتىن جول كارتاسىن جاريالادىق», دەيدى ۇيىم جەتەكشىسى.
Jas Otan جاستار قاناتى جاستار جوبالارى جانە اناليتيكا باسقارماسىنىڭ باسشىسى نۇرزينا قىدىرالينا باعدارلاما اياسىندا قامتىلاتىن 5 نەگىزگى باعىتقا توقتالدى. «بۇگىندە ءبىز نەگىزگى بەس ماڭىزدى باعىت بويىنشا جۇمىس اتقارامىز. ولار ەلىمىزدىڭ ءار جاس ازاماتىنىڭ ءومىرىنىڭ بارلىق سالاسىن قامتيدى. بۇل – جاستاردىڭ ازاماتتىق باستامالارىن قولداۋ, ءبىلىم بەرۋ ساپاسىن ارتتىرۋ, جۇمىسپەن قامتۋ, تۇرعىن ۇيمەن قامتاماسىز ەتۋ جانە ولاردىڭ بوس ۋاقىتىنىڭ ءتيىمدى وتۋىنە اتسالىسۋ», دەپ ناقتىلادى ول.
پارتيانىڭ جاستار قاناتى بەس جىل ىشىندە جاستار اراسىنداعى جۇمىسسىزدىق دەڭگەيىن 3,7%-عا, NEET جاستاردىڭ ۇلەسىن 6,8%-عا دەيىن تومەندەتۋدى جوسپارلاپ وتىر.
جول كارتاسىندا اۋىل جاستارىنا, دالىرەك ايتقاندا ولاردىڭ بوس ۋاقىتىن ۇيىمداستىرۋعا ەرەكشە كوڭىل بولىنگەن. اتاپ ايتار بولساق, جوبا بويىنشا اۋىلدىق جەرلەردە جالپى العاندا 450 مىڭ ادامدى قامتيتىن سپورت نىساندارى سالىنادى.
ستۋدەنتتەر ماسەلەسى دە شەت قالماعان. باعدارلاما اياسىندا رەسپۋبليكا ستۋدەنتتەرىنىڭ
25%-ى جاتاقحانامەن قامتاماسىز ەتىلمەك.
اتالعان جاڭالىقتارمەن قاتار جاسوتاندىقتار ساياسي مەنەدجمەنت مەكتەبىمەن بىرلەسىپ جاڭا جوبانى قولعا الدى. قىركۇيەك ايىندا «Sana» تۇلعالىق دامۋ مەكتەبى ونلاين دارىستەرىن باستايدى. قاتىسۋشىلار شەشەندىك ونەر, ەموتسيونالدى ينتەللەكت جانە كوشباسشىلىق, ينتەرنەت-ماركەتينگ مودۋلدەرى بويىنشا تەگىن ءبىلىم الا الادى.
