05 قاراشا، 2013

ستيۆەنستى سىلەيتىپ سالدى

138 رەت كورسەتىلدى

04-11-13-gennadi golovkin-2قازاننىڭ 3-ءى كۇنى WBA جانە IBO بەلبەۋلەرىنىڭ 72،6 كيلوعا دەيىنگى سالماقتاعى يەسى گەننادي گولوۆكين ءوزىنىڭ وسى اتاق­تارىن توعىزىنشى مارتە قورعادى. ول اقش-تىڭ نيۋ-يورك قالا­سىنداعى اتاقتى «مەديسون سكۆەر گاردەن» سپورت كەشەنىندە امەري­كالىق كەرتيس ستيۆەنسپەن قولعاپ ءتۇيىستىردى. قازاقستاندىق كاسىپ­قوي بوكسشى ۇزىن سانى 12 راۋندقا شاقتالعان شايقاستىڭ 8-ءبو­لىگىندە تەحنيكالىق نوكاۋتپەن جەڭىسكە جەتتى. ءسويتىپ، ول بيىلعى جىلى وتكىزگەن ءتورتىنشى جەكپە-جەگىن تاعى دا ۇتىسپەن اياقتادى.

 

04-11-13-gennadi golovkin-1

قازاننىڭ 3-ءى كۇنى WBA جانە IBO بەلبەۋلەرىنىڭ 72،6 كيلوعا دەيىنگى سالماقتاعى يەسى گەننادي گولوۆكين ءوزىنىڭ وسى اتاق­تارىن توعىزىنشى مارتە قورعادى. ول اقش-تىڭ نيۋ-يورك قالا­سىنداعى اتاقتى «مەديسون سكۆەر گاردەن» سپورت كەشەنىندە امەري­كالىق كەرتيس ستيۆەنسپەن قولعاپ ءتۇيىستىردى. قازاقستاندىق كاسىپ­قوي بوكسشى ۇزىن سانى 12 راۋندقا شاقتالعان شايقاستىڭ 8-ءبو­لىگىندە تەحنيكالىق نوكاۋتپەن جەڭىسكە جەتتى. ءسويتىپ، ول بيىلعى جىلى وتكىزگەن ءتورتىنشى جەكپە-جەگىن تاعى دا ۇتىسپەن اياقتادى.

ادەتتەگىدەي بۇل جەكپە-جەكتىڭ الدىندا دا قاۋىرت قاربالاسقا كەزەك بەرىلدى. بۇل جولى دا بولعالى تۇرعان كەزدەسۋدىڭ وزەگىنە الدىن الا ماي قۇيۋعا ۇمتىلۋشىلىق كورىنىس تاپتى. سول «قىزدى-قىزدى» قولپاشتاردىڭ ءبىر قولاتىندا ەكى بوكسشىنىڭ دا «تىلدەرى شىقتى». وسى تۇستا ءوز سۋ بۇركۋشىلەرىنىڭ «ورمەگىنە» ءتۇسىپ قالعان كەرتيس ستيۆەنس ءتىپتى گەننادي گولوۆكيننىڭ بەيىتىن قازۋعا بارا جاتقانىن دا ايتىپ سالدى. بىراق قانشا جەردەن قارسىلاسىنىڭ ۇرەيىن تۋعىزىپ، قۇتىن قاشىرىپ، مىسىن باسۋ ءۇشىن ايتىلعانىمەن، بۇل مالىمدەمەنىڭ ارتىقتاۋ ەستىلگەنى انىق ەدى. سەبەبى، قاپەلىمدە كولدەنەڭ كەلگەن كوك اتتىنىڭ كوكپارىنا اينالا سالاتىنداي ءبىزدىڭ باعلان دا وڭاي شاعىلار جاڭعاق ەمەس-ءتىن. سوندا دا بولسا گەنا شامىنا تيەتىن بۇل سوزدەرگە اسا قاتتى شامىرقانا قويعان جوق. ول وزىنە ءتان بايسالدىلىعىمەن ءبارىن رينگتەگى شايقاستىڭ شەشەتىنىن ايتىپ، توقتاي قويدى. الايدا، ءسوز قاعىستىرۋ سورابى مۇنىمەن دە تىنبادى. سول كەزدە گەننادي الداعى شايقاستى ناعىز كوشەنىڭ توبەلەسىنە اينالدىرىپ جىبەرەتىنىن ايتىپ، ارۋاق شاقىردى. وسى ءسوزدىڭ وسپاعىندا: «بۇل شايقاستا مىندەتتى تۇردە نوكاۋت بولادى. مەن ازىرگە ونى كىمنىڭ جاسايتىنىن بىلمەيمىن. بۇل – بوكس. الايدا، ءوزىمنىڭ نوكاۋتقا جىبەرگىم كەلەدى»، – دەگەندى ءبىر شيراتىپ ءوتتى.

04-11-13-gennadi golovkin-2

اقىرىندا كۇتكەن كۇن دە كەلدى. باسەكە استانا ۋاقىتىمەن جەكسەنبى كۇنى 7 ساعات 45 مينۋتتا «قازاقستان» تەلەارناسىنان تىكەلەي ەفيردە باستالدى. بىردەن ايتىپ قويايىق، شايقاستىڭ الدىندا ەشكىم دە كەرتيس ستيۆەنستى باستى فاۆوريت ساناعان جوق. سونىمەن بىرگە، ونى السىزدەر قاتارىنا دا قوسقان ەشكىم بولمادى. قازىر جاسى 28-دەگى بوكس­شى وسى كەزگە دەيىن كاسىپقويلار رينگىندە 28 ۇرىس وتكىزىپ، ونىڭ 18-ءىن نوكاۋتپەن ءتامامداپتى. بىراق 3 رەت جەڭىلىستىڭ اششى ءدامىن تاتقانى تاعى بار. بۇعان قاراعاندا، 31 جاستاعى گەننادي گولوۆكيننىڭ كورسەتكىشى الدەقايدا جوعارى. ول سول شايقاسقا دەيىن شارشى الاڭعا 27 رەت كوتەرىلىپ، بارىندە دە مەرەيى ۇستەم بولعان. جانە بۇلاردىڭ 25-ىندە ۇرىستى مەرزىمىنەن بۇرىن بىتىرگەن.

بوكسشىلار بۇل جول­عى شاي­قاسقا وسىنداي جۇكتە­مە­­­لەرى­مەن كەلدى. قازاق­­­ستاننان ءوز جەرلەستەرىنە قولداۋ كورسەتۋ ءۇشىن سەرىك ساپيەۆ باستاعان كوپتەگەن جانكۇيەر باردى. سولاردىڭ دۋى­لى قاناتتاندىرعان گەننادي بىردەن ارىستانداي اقىرىپ، العا اتىلدى. وسى ارقىلى كەرتيستى اۋەلدەن ارقان بويلاپ قاشۋعا ءماجبۇر ەتتى. مۇندا گەنانىڭ سول قولمەن كەرەمەت جۇمىس جاسايتىنى جەدەل باسىمدىق الىپ بەرە باستادى. ونىڭ جويقىن شابۋىلىنان قورعانعىسى كەلگەن كەرتيس ءسات سايىن باسەكەلەسىنىڭ سول قولىمەن جاپىرا ۇرعان قارسى سوققىسىنا ءتۇسىپ قالىپ جاتتى. گەنا ارا-تۇرا وڭ قولىمەن دە قاقىراتا شالىپ ءوتىپ تۇردى. ءبىرىنشى مينۋتتىڭ سوڭىندا وسىنداي ەكى سوققى امەريكالىق اتلەتتى تەڭسەلتىپ جىبەرگەندەي بولدى. وسى تۇستا ۇرىس باستالماي جاتىپ، اياقتالىپ قالاتىنداي بولىپ كورىنگەن.

گولوۆكين سەگىزىنشى راۋندتى وزىنەن كوپ ۇتىلىپ جۇرگەن قارسىلاسىن ءبىرجولا ىسكە العىسىز ەتىپ تاستاۋعا دەگەن ۇمتىلىسپەن باستادى. بىراق توزىمدىلىگىنە تەبەن بويلامايتىن كەرتيس ارىپتەسىنىڭ كەزەكتەسە سوققان سوققىسىنان باسىن ەكى جاققا قاراي بۇلعاڭداتا ءجۇرىپ، بۇل راۋندتى دا اياعىمەن تىك تۇرىپ اياقتادى. سول بەتىمەن گونگ ەستىلگەندە، ءوز بۇرىشىنا بەتتەدى. ونىڭ اياعىن ارەڭ سۇيرەتىپ كەلە جاتقان قالپىنا، الەمتاپىرىق بولىپ كەتكەن بەت-جۇزىنە سول كەزدە قاراي قالعان سەكۋندانتتارى ءبارىن دە ءتۇسىندى...

جەڭىس گەننادي گولوۆكينگە وسىلاي كەلدى. مۇنىڭ اتىن «تەحنيكالىق نوكاۋت» دەيدى. وسىلايشا، 28-ءشى ۇرىسىندا 28-ءشى مارتە جەڭىسكە جەتكەن گەنا ادەتىنشە قازاقتىڭ ويۋلى شاپانىن كيىپ، الاڭ ورتاسىندا تۇردى. ال وسى جەڭىسى ءۇشىن وعان 400 مىڭ اقش دوللارى تيەسىلى بولسا، امەريكالىققا 290 مىڭ بۇيىردى.

PS. ماتەريالدىڭ تولىق نۇسقا­­­سىن گازەت سايتىنان (news.egemen.kz) وقي الاسىزدار.

رۋسلان يگىلىك.

سوڭعى جاڭالىقتار

ەكپە سالدىرۋدا بەلسەندىلىك بايقالادى

كوروناۆيرۋس • بۇگىن، 14:10

چارلو شايقاسقا شاقىرۋدان شارشامايدى

كاسىپقوي بوكس • بۇگىن، 13:27

ەلوردا «قىزىل» ايماقتان شىقتى

كوروناۆيرۋس • بۇگىن، 09:22

الەم چەمپيوناتى باستالدى

سپورت • بۇگىن، 09:09

قۇندى ەرتوقىم

ەلوردا • بۇگىن، 09:05

تىڭ سەرپىلىس بايقالمايدى

سپورت • بۇگىن، 08:59

اسەرلى «ادەبيەت كۋرستارى»

وقيعا • بۇگىن، 08:54

تاۋەلسىزدىك تاعىلىمى

تاۋەلسىزدىكتىڭ 30 جىلدىعى • بۇگىن، 08:52

ون ءبىرىنشى پالاتا

مەديتسينا • بۇگىن، 08:45

جارقىننىڭ جاقسىلىعى

ايماقتار • بۇگىن، 08:39

تىلسىم كۇشپەن ءتىل تابىسقان

تاريح • بۇگىن، 08:36

قىلقالام ۇشىنداعى قۇدىرەت

ونەر • بۇگىن، 08:35

ۇقساس جاڭالىقتار