ايماقتار • 19 قىركۇيەك، 2020

سقو-دا ەسىرتكىگە قاتىستى 162 قىلمىس اشىلعان

26 رەت كورسەتىلدى

جىل باسىنان بەرى سولتۇستىكقازاقستاندىق پوليتسەيلەر 162 قىلمىستى اشتى. سونىڭ ءبىرىن جۋىردا "ورمەك" جەدەل-پروفيلاكتيكالىق ءىس-شاراسى شەڭبەرىندە پەتروپاۆل قالاسىنىڭ پب ەسىرتكى قىلمىسىنا قارسى ءىس-قيمىل ءبولىمى قىزمەتكەرلەرى انىقتاپ، 34 جاستاعى قالا تۇرعىنىن ۇستادى. ونىڭ ءۇيىن تىنتكەندە ءبىر كەلىدەن استام ماريحۋانا الىندى، دەپ حابارلايدى Egemen.kz.

ەرەكشە ءيىسى بار وسىمدىك تەكتەس زات بۋىپ-تۇيىلگەن ورامادا ساقتالعان. سوت-حيميالىق ساراپتاما قورىتىندىسىنا سايكەس الىنعان زات سالماعى ءبىر كەلىدەن استام كەپتىرىلگەن ماريحۋانا بولىپ شىقتى. ۇستالعان ادام ونى ءبىر رەتتىك پايدالاناتىن 200 دوزاعا ءبولىپ ساتپاقشى بولعان. قازىرگى وسى فاكت قك 296-بابى: "ەسىرتكى، پسيحوتروپتىق زاتتارمەن، سول تەكتەستەرمەن، پرەكۋرسورلارمەن وتكىزۋ ماقساتىنسىز زاڭسىز جۇمىس ىستەۋ" بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى. باپتىڭ سانكتسياسى ءۇش جىلدان جەتى جىلعا دەيىنگى مەرزىمگە باس بوستاندىعىنان ايىرۋ جازاسىن كوزدەيدى.

سقو پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى، پوليتسيا پولكوۆنيگى جاندوس باسىباەۆتىڭ ايتۋىنا قاراعاندا جىل باسىنان وبلىستىق ەسىرتكى قىلمىسىنا قارسى ءىس-قيمىل بولىنىستەرى 162 ەسىرتكى قىلمىسىن انىقتاعان، ونىڭ 60-ى قىلمىس، سونىڭ ىشىندە 33-ءى وتكىزۋ فاكتىسى. زاڭسىز اينالىمنان 328 ءتۇرلى ەسىرتكى زاتتارى، ونىڭ ىشىندە 369 گرامم گەروين الىندى. قىلمىستىق جاۋاپكەرشىلىككە 69 ادام تارتىلدى. "ورمەك" جەدەل-پروفيلاكتيكالىق ءىس-شاراسى وبلىس اۋماعىندا قىركۇيەكتىڭ 14-ءى مەن 18-ءى ارالىعىندا ءوتتى.

سوڭعى جاڭالىقتار

ۇقساس جاڭالىقتار