04 قاراشا، 2013

كايردە مۋحاممەد مۋرسي مەن ونىڭ جاقتاستارى سوتى باستالدى

133 رەت كورسەتىلدى

04 11 - sot isiبۇگىن كايردە مىسىردىڭ بۇرىنعى پرەزيدەنتى مۋحاممەد مۋرسي مەن «مۇسىلمان باۋىرلار» قوزعالىسىنىڭ 14 جەتەكشىسىنە قاتىستى سوت ءىسى باستالدى. بۇل تۋرالى يتار-تاسس حابارلادى.

مۋحاممەد مۋرسي مەن «مۇسىلمان باۋىرلار» وكىلدەرى ادامداردى قانتوگىس پەن زورلىق-زومبىلىققا يتەرمەلەگەندەرى ءۇشىن ايىپتالۋدا. وتكەن جىلدىڭ 5 جەلتوقسانىندا كايردەگى «ال-يتتيحاديا» پرەزيدەنت سارايىنىڭ الدىندا كىسى ولىمىنە سوقتىرعان قاقتىعىس اتالمىش ايىپتىڭ باستى كورىنىسى رەتىندە قاراستىرىلىپ وتىر.

سوت وتىرىسى ءوتىپ جاتقان پوليتسيا اكادەمياسى اينالاسىندا قاتاڭ قاۋىپسىزدىك شارالارى قابىلداندى. وندا مۋحاممەد ءمۋرسيدىڭ جۇزدەگەن جاقتاۋشىلارى جينالعان. قارۋلى كۇشتەر قالاداعى نەگىزگى جولدار مەن اۋدانداردى، سونداي-اق تاحرير الاڭىن بوگەپ تاستادى.

سوتقا قاتىساتىن جۋرناليستەرگە مەكەمە ىشىنە اۋديو نەمەسە بەينەجازبا قۇرالدارىن، سونداي-اق ۇيالى تەلەفون الىپ كىرۋگە رۇقسات بەرىلمەگەن.

ايدار ورىسباەۆ.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار