04 قاراشا، 2013

ءولى ۋساما بەن لادەن اقش بيلىگىنە «تىنىشتىق» بەرمەي تۇر

177 رەت كورسەتىلدى

barak obama-1

اقش-تىڭ ميچيگان شتاتىنىڭ تۇرعىنى، كاسىپكەر توم لي دەگەن ازامات ءوز ەلىنىڭ اتقارۋشى بيلىك ورىندارىنان كەزىندە ۋساما بەن لادەننىڭ مەكەن-جايىن انىقتاۋعا كومەكتەسكەنى ءۇشىن سىياقى تالاپ ەتىپ وتىر. بۇل تۋرالى «ريا نوۆوستي» اگەنتتىگى حابارلادى.

امەريكالىق توم لي اقش ۇكىمەتىنەن ۋساما بەن لادەننىڭ ورنالاسقان جەرىن انىقتاۋعا قول ۇشىن سوزىپ، ءتيىستى اقپاراتتارمەن قامتاماسىز ەتكەنى ءۇشىن 25 ميلليون دوللار سىياقى الۋىم كەرەك دەپ ەسەپتەيدى.

ەستەرىڭىزگە سالا كەتەيىك، كەزىندە اقش-تىڭ مەملەكەتتىك دەپارتامەنتى ۋساما بەن لادەندى ۇستاپ بەرگەن ادامعا 25 ميلليون دوللار سىياقى بەرىلەتىنىن مالىمدەگەن بولاتىن. تومنىڭ سۇراپ جۇرگەنى وسى اقشا.

قىزمەتىنىڭ اقىسىن داۋلاپ جۇرگەن توم ءليدىڭ «ەرەن ەڭبەگىن» دالەلدەيتىن قۇجاتتار دا بار كورىنەدى. ناقتىلاپ ايتساق، Loevy & Loevy دەگەن فيرما ارقىلى اقش-تىڭ فەدەرالدىق زەرتتەۋ بيۋروسىنىڭ (فبر) ديرەكتورى دجەيمس كوميعا جولدانعان حاتتا توم ءليدىڭ پاكستاندىق بارلاۋشىلاردان ۋساما بەن لادەننىڭ اببوتاباد قالاسىندا ورنالاسقانى جونىندە اقپارات العانى جازىلىپتى. سونداي-اق، توم 2003 جىلى دا اقش ۇكىمەتىنە «ءال-كايدا» جەتەكشىسىنىڭ كوورديناتتارىن اشىپ بەرىپتى.

ال، اقش بيلىگى پاكستاننىڭ اببوتاباد قالاسىندا 2011 جىلدىڭ 2 مامىرىندا ۋساما بەن لادەن ولتىرىلگەننەن كەيىن الگى تاعايىندالعان سىياقى ەشكىمگە بەرىلمەيتىنىن جاريالاعان. ويتكەنى، ۇكىمەتى وكىلدەرى ۋسامانىڭ مەكەن-جايىن راديوەلەكتروندى بارلاۋدىڭ كومەگىمەن تاۋىپ العاندارىن العا تارتتى.

توم ءليدىڭ تالابىنا اقش بيلىگىنىڭ وكىلدەرى نە دەپ جاۋاپ بەرەتىنى ازىرگە بەلگىسىز.

جولدىباي بازار.

سوڭعى جاڭالىقتار

اقتاۋدا شارشى الاڭعا كىمدەر شىعادى؟

كاسىپقوي بوكس • بۇگىن، 14:52

اتىراۋدا ەپيدجاعداي ءالى دە كۇردەلى

كوروناۆيرۋس • بۇگىن، 13:50

تۇركىستاندا ۇشەم دۇنيەگە كەلدى

ايماقتار • بۇگىن، 12:50

ەرتەڭ ۇكىمەت وتىرىسى وتەدى

ۇكىمەت • بۇگىن، 11:31

ۇقساس جاڭالىقتار