03 قاراشا، 2013

اساد اسكەرلەرى قازاقستاننان بارعان ساربازداردى جويىپ جىبەردى

136 رەت كورسەتىلدى

03-11-13-boeviki-1

سيريادا باشار اسادتىڭ اسكەرلەرى سودىرلار ساپىندا جۇرگەن قازاقستاندىق ازاماتتاردى جويىپ جىبەردى. كەشە ول ۇكىمەت جاساقتارىنىڭ تۇركيامەن شەكارادا ارنايى جۇرگىزىلگەن وپەراتسياسى قورىتىندىسىندا بەلگىلى بولدى. بۇل تۋرالى aspekty.net سايتى حابارلادى.

ۇزاققا سوزىلعان كەسكىلەسكەن شايقاستىڭ سوڭىندا سولداتتار 120-دان استام قارسىلىق قوزعالىسى جاۋىنگەرىن قۇرتىپ جىبەردى. وكىنىشكە وراي، ولاردىڭ اراسىندا قازاقستاننان بارعان ەرىكتىلەر دە بولعان.

كتك تەلەارناسى حابارلاعانداي، بۇل اۋداندا «ال-كايدا» لاڭكەستىك ۇيىمىنىڭ «ال-نۋسرا» توبى كوپتەن بەرى ارەكەت ەتىپ جۇرگەن. ونداعى قاراقشىلار توبىن الەمنىڭ تۇكپىر-تۇكپىرىنەن، نەگىزىنەن مىسىردان، يراكتان، ليۆيا جانە فيليپپين ەلدەرىنەن كەلگەن سودىرلار قۇراعان. بۇل ساپتا تمد ەلدەرىنەن، سونىڭ ىشىندە رەسەيدەن جەتكەن ساربازدار دا از ەمەس. ەندى ءمالىم بولىپ وتىرعانداي، مۇندا قازاقستاننان كەلۋشىلەر دە قاراسى دا ەداۋىر ەكەن. بىراق ءبىزدىڭ ولاردىڭ ناقتى سانى قانشا بولعانىن ءالى ەشكىم ءدوپ باسىپ ايتىپ بەرە المايدى. سول سياقتى سوڭعى شايقاستا قانشا قازاقتىڭ قازا تاپقانى دا بەيمالىم. دەگەنمەن، سيريا دەرەككوزدەرى ولاردىڭ ءبارىنىڭ ۇرىس اۋداندارىندا وتباسىلارىمەن بىرگە جۇرگەندەرىن جەتكىزەدى.

ەسكە سالا كەتەيىك، مۇنىڭ الدىندا بۇقارالىق اقپارات قۇرالدارىندا سيرياداعى سوعىسقا قازاقستاننان ءجۇز ەلۋ شامالاس ەرىكتىنىڭ اتتانعانى تۋرالى اقپار تاراعان. تاياۋ شىعىسقا ولار وتباسىلارىمەن بىرگە كىشكەنتاي بالالارىن دا الا كەتىپتى. بۇلاردىڭ قاتارىنداعى كەيبىر جاۋىنگەرلەردىڭ قايدان شىققاندارى دا بەلگىلى بولدى. ولار قاراعاندى جانە اقمولا وبلىستارىنىڭ تۋمالارى كورىنەدى. ازىرگە ءتىرى قالعاندارى نە قازا تاپقاندارى تۋرالى دەرەك جوق. بىراق بۇلار تۇركيامەن شەكاراداعى قىرعىنعا قاتىسقان لاڭكەستىك ۇيىمدارعا تۇسپەگەن بولىپ شىقتى.

قايرات قوجانازار.

 

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار