03 قاراشا، 2013

كاسىپقوي بوكس: گەننادي گولوۆكين جەڭىسكە جەتتى (ۆيدەو)

133 رەت كورسەتىلدى

03-11-13-golovkin-stivens-1

قازاننىڭ 3-ءى كۇنى اقش-تىڭ نيۋ-يورك قالاسىنداعى اتاقتى «مەديسون سكۆەر گاردەن» سپورت كەشەنىندە بۇكىلالەمدىك بوكس اسسوتسياتسياسىنىڭ نۇسقاسى بويىنشا 72،6 كيلوعا دەيىنگى سالماقتا ءوزىنىڭ اتاعىن توعىزىنشى مارتە امەريكالىق كەرتيس ستيۆەنسپەن شايقاستا قورعاعان قازاقستاندىق گەننادي گولوۆكين 8-راۋندتا جەڭىسكە جەتتى. ءسويتىپ، ءبىزدىڭ جەرلەسىمىز 12 راۋندتان تۇراتىن جەكپە-جەكتى اقىرىنا دەيىن جەتكىزبەي، ونى ءوز پايداسىنا شەشە ءبىلدى. ول وسىمەن بيىلعى جىلى وتكىزگەن 4 شايقاسىنىڭ ءبارىن دە جەڭىسپەن اياقتادى. وسى ايقاستىڭ الدىندا عانا گەنا مۇمكىندىگى بولعانىنشا قارسىلاسىن ۇرىپ قۇلاتىپ، نوكاۋتپەن جەڭۋگە ۇمتىلاتىنىن مالىمدەگەن ەدى. سايىپقىران جىگىتىمىز سول دەگەنىنە جەتتى. ول قارسىلاسىن ۇرىپ قۇلاتپاعانىمەن، سەگىزىنشى راۋندتا امەريكالىقتىڭ جاتتىقتىرۋشىلار شتابى ۇرىستى اياقتاۋعا شەشىم قابىلداپ، ورتاعا اق ورامال تاستادى. تەحنيكالىق نوكاۋت! ال شايقاستىڭ بارىسى ءبارىبىر گەنانىڭ جەڭەتىنىن بايقاتقانداي بولاتىن. ونىڭ ۇستىنە جەتىنشى راۋندتان باستاپ ستيۆەنستىڭ ءبىر كوزى جۇمىلىپ، اشىلماي قالدى. قازاقستاندىق بوكسشى جەكپە-جەكتىڭ باسىنان ونىڭ تىزگىنىن ءوز قولىندا ۇستادى. ول بارلىق راۋندتاردا باسەكەلەسىنەن باسىم ءتۇسىپ وتىردى. ءبىز كەرتيستىڭ تەك ءتورتىنشى راۋندتىڭ سوڭىندا بەلسەنە قيمىلداعانىن كوردىك. قالعان ۋاقىتتاردىڭ بارىندە گەنانىڭ اۋىر سوققىلارى ونىڭ باسى مەن كوزىنە، باۋىرى مەن بۇيىرىنە دەمبىل-دەمبىل ءتيىپ تۇردى. بۇل شايقاسى ءۇشىن گەننادي 400 مىڭ دوللارعا قول جەتكىزەتىن بولسا، ستيۆەنسكە 290 مىڭ دوللار بەرىلەدى. ال جەڭىس قۇتتى بولسىن، اعايىن! رۋسلان يگىلىك.   {youtube}I3aSU_fE2p4{/youtube}
سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار