- وبەكتىلەر قۇرىلىسىنىڭ قۇنىنا ليميتتەر بەلگىلەندى. وڭىرلەر بويىنشا بىردەي وبەكتىلەر قۇرىلىسىنىڭ قۇنى بىردەي بولۋى ءتيىس. ول ءۇشىن نورماتيۆتىك-تەحنيكالىق قۇجاتتارعا ءتيىستى وزگەرىستەر ەنگىزىلدى جانە بارلىق الەۋمەتتىك جانە ازاماتتىق-تۇرعىن ءۇي وبەكتىلەرىنىڭ قۇرىلىسىنا شەكتى قۇندى (ليميتتەردى) بەلگىلەۋ بويىنشا جول كارتاسى ازىرلەندى.
ءليميتتى بەلگىلەۋ ىرىلەندىرىلگەن كورسەتكىشتەر نەگىزىندە, ولار بولماعان جاعدايدا – وتكىزىلگەن وبەكتىلەر نەگىزىندە جۇزەگە اسىرىلادى. قولدانىستاعى "مەمساراپتاما" رمك پورتالى بازاسىندا ءليميتتى ەسەپتەۋ تەتىگى اۆتوماتتاندىرىلدى.
- باعا قالىپتاستىرۋدىڭ ايقىندىعىن, اشىقتىعىن جانە انىقتىعىن قامتاماسىز ەتەتىن اقپاراتتىق جۇيە ازىرلەندى. باعالاۋدى قالىپتاستىرۋ تولىعىمەن ۆەدومستۆولىق ستاتيستيكا نەگىزىندە جۇزەگە اسىرىلاتىن بولادى.
- زاڭناماعا ۇلگىلىك جوبالاردى مىندەتتى قولدانۋ, جوبالاردىڭ بىرىڭعاي ەلەكتروندىق بانكىن قۇرۋ, سونداي-اق كۆازيمەملەكەتتىك سەكتور قاراجاتى ەسەبىنەن ءبىرىنشى جاۋاپكەرشىلىك دەڭگەيىندەگى وبەكتىلەردىڭ ساراپتاماسىن مەملەكەتتىك ساراپتاماعا بەرۋ بولىگىندە وزگەرىستەر ەنگىزىلەدى. بۇل تۇزەتۋلەر بيزنەس-كليماتتى دامىتۋ ماسەلەلەرى بويىنشا زاڭ جوباسى اياسىندا ازىرلەنىپ, قر پارلامەنتى ماجىلىسىنە ەنگىزىلدى.
- جوبالاردى جوبالاۋمەن جانە ساراپتاۋمەن اينالىساتىن جەكە جانە زاڭدى تۇلعالارعا قويىلاتىن بىلىكتىلىك تالاپتارىن قاتاڭداتۋ جوسپارلانۋدا. سمەتاشىلارعا قويىلاتىن بىلىكتىلىك تالاپتارىنىڭ تىزبەسىنە, ونىڭ ىشىندە بەيىندى ءبىلىمىنىڭ بولۋىنا تالداۋ جۇرگىزىلەدى.
سمەتالىق قۇجاتتاما بويىنشا ساراپتامالىق جۇمىستاردى جەكە مامانداندىرۋعا ءبولۋ بويىنشا نقا جوباسى ازىرلەندى. نقا جوباسى مەملەكەتتىك ورگانداردا كەلىسۋ ساتىسىندا تۇر.
- جامبىل, سولتۇستىك قازاقستان وبلىستارى مەن نۇر-سۇلتان قالاسىندا پيلوتتىق جوبالاردى ىسكە اسىرۋ جالعاسىپ جاتىر. بەكىتىلگەن جول كارتاسىنا سايكەس زاڭناماعا تۇزەتۋلەر ازىرلەندى جانە كەلىسىلۋ ۇستىندە.
مەملەكەتتىك ساتىپ الۋدى جوسپارلاۋ, قارجىلاندىرۋ, وتكىزۋ جۇيەسى سالاسىنداعى تۇزەتۋلەردى اعىمداعى جىلدىڭ تامىزىنا قاراي بەكىتۋ جوسپارلانىپ جاتىر. تۇزەتۋلەر ەنگىزۋ بويىنشا جاۋاپتىلار – ۇەم جانە قم.
قۇرىلىس سالاسىندا-قۇرىلىستىڭ باستاپقى قۇنىن انىقتاۋ ادىستەمەسى دايىندالدى.
ءتيىستى وزگەرىستەر ەنگىزىلگەننەن كەيىن اكىمدىكتەر پيلوتتىق جوبالاردى ىسكە اسىرا باستايدى.
- بيىلعى جىلى قۇرىلىس سالاسىنىڭ اشىقتىعىن جانە تسيفرلاندىرىلۋىن تولىق قامتاماسىز ەتەتىن قۇرىلىس نورمالارىن تسيفرلاندىرۋ جانە تسيفرلىق مودەلدەۋ تەحنولوگيالارىن ەنگىزۋ بويىنشا جۇمىس باستالدى.
2020 جىلى 36 نورماتيۆتىك-تەحنيكالىق قۇجات, 2021-2023 جىلدارى – 195 قۇجات تسيفرلاندىرىلاتىن بولادى.
بولاشاقتا, ءىس جۇزىندە جوبالاۋ-سمەتالىق قۇجاتتاما قولدانىستاعى مەملەكەتتىك نورماتيۆتەردىڭ تالاپتارىنا اۆتوماتتاندىرىلعان رەجىمدە تەكسەرىلەتىن بولادى. بۇل ساراپتاما جۇمىسىن اۆتوماتتاندىرۋعا مۇمكىندىك بەرىپ, جوبالاردىڭ ساپاسىنا جانە ولاردىڭ قۇنىن ەسەپتەۋگە وڭ اسەر ەتەدى.
ەسكە سالا كەتەيىك, مەحانيزمدەر مەملەكەت باسشىسىنىڭ 24 قاڭتارداعى ۇكىمەت وتىرىسىندا قۇرىلىس قۇنىن تومەندەتۋ ماسەلەسى بويىنشا بەرگەن تاپسىرمالارى شەڭبەرىندە ازىرلەندى.
تاپسىرمانى ورىنداۋ شەڭبەرىندە:
- قۇرىلىستىڭ شەكتى قۇنى (ليميتتەرى) بەلگىلەندى;
- باعا مونيتورينگىنىڭ اقپاراتتىق جۇيەسى ىسكە قوسىلدى;
- ۆەدومستۆولىق ستاتيستيكالىق بايقاۋ ەنگىزىلدى;
- سمەتالىق قۇجاتتاما بويىنشا ساراپتاما جۇمىستارىن جەكە مامانداندىرۋعا بولۋگە قاتىستى نقا-عا وزگەرىستەر ەنگىزىلدى
جالعاسىپ جاتىر:
- جامبىل, سولتۇستىك قازاقستان وبلىستارىندا جانە نۇر-سۇلتان قالاسىندا قاناتقاقتى جوبالاردى ىسكە اسىرۋ;
- "e-Qurylys" بىرىڭعاي تسيفرلىق پورتالىن ەنگىزۋ";
- قۇرىلىس نورمالارىن تسيفرلاندىرۋ.
