2013 جىلعى 28 ماۋسىم استانا قالاسى
مەملەكەتتىك كورسەتىلەتىن قىزمەتتىڭ قۇنىن ايقىنداۋ ادىستەمەسىن بەكىتۋ تۋرالى
قازاقستان رەسۋبليكاسىنىڭ «مەملەكەتتىك كورسەتىلەتىن قىزمەتتەر تۋرالى» زاڭىنىڭ 8-بابىنىڭ 7) – تارماقشاسىنا سايكەس, بۇيىرامىن:
1. قوسا بەرىلىپ وتىرعان مەملەكەتتىك كورسەتىلەتىن قىزمەتتىڭ قۇنىن ايقىنداۋ ادىستەمەسى بەكىتىلسىن.
2 قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگىنىڭ مەملەكەتتىك باسقارۋ جۇيەسىن دامىتۋ دەپارتامەنتى (ا.ا.قۇدايبەرگەنوۆاعا) بۇيرىقتى زاڭنامادا بەلگىلەنگەن تارتىپتە:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كۇنتىزبەلىك ون كۇن ىشىندە بۇقارالىق اقپارات قۇرالدارىنا رەسمي جاريالاۋعا جولدانۋىن;
3) وسى بۇيرىقتىڭ قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگىنىڭ ينتەرنەت-رەسۋرسىندا جاريالانۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگىنىڭ ۆيتسە-ءمينيسترى م.ە.ابىلقاسىموۆاعا جۇكتەلسىن.
4. وسى بۇيرىق رەسمي جاريالاۋعا جاتادى جانە مەملەكەتتىك تىركەلگەن كۇننەن باستاپ قولدانىسقا ەنگىزىلەدى.
ءمينيستردىڭ مىندەتىن اتقارۋشى م.قۇسايىنوۆ.
قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ ءمينيسترىنىڭ
مىندەتىن اتقارۋشىنىڭ 2013 جىلعى 28 ماۋسىم №197 بۇيرىعىمەن بەكىتىلدى
مەملەكەتتىك كورسەتىلەتىن قىزمەت قۇنىن انىقتاۋ ادىستەمەسى
1. جالپى ەرەجەلەر
1. وسى مەملەكەتتىك كورسەتىلەتىن قىزمەتتىڭ قۇنىن انىقتاۋ ادىستەمەسى (بۇدان ءارى – ادىستەمە) قىزمەت كورسەتۋشىلەر كورسەتەتىن مەملەكەتتىك كورسەتىلەتىن قىزمەتتەردىڭ قۇنىن ايقىنداۋ ءۇشىن قولدانىلادى.
2. وسى ادىستەمەدە مىناداي تەرميندەر مەن انىقتامالار قولدانىلادى:
1) مەملەكتتىك قىزمەت قۇنى – قىزمەت الۋشىلاردىڭ جولدانىمى بويىنشا دارا تارتىپتە جۇزەگە اسىرىلاتىن بولەك مەملەكتتىك فۋنكتسيالاردىڭ ورىندالۋىنا باعىتتالاتىن قىزمەت الۋشىنىڭ شىعىس سوماسى جانە نەگىزگى كورسەتكىشى, بيۋدجەتتىك باعدارلامانىڭ قۇنىن ەسەپتەۋدىڭ قۇرامدى بولىگى بولىپ تابىلادى.
2) قارجىلىق جىل – مەملەكەتتىك قىزمەتتەردى كورسەتۋ جۇزەگە اسىراتىن كۇنتىزبەلىك جىلدىڭ 1 قاڭتارىنان باستالىپ 31 جەلتوقسانىندا اياقتالاتىن ۋاقىت ارالىعى.
2. مەملەكەتتىك كورسەتىلەتىن قىزمەتتىڭ قۇنىن ەسەپتەۋ كەزىندەگى شىعىستاردىڭ قۇرىلىمى
3. شىعىستاردىڭ جالپى سوماسى تىكەلەي جانە جاناما شىعىستاردى قامتيدى.
4. تىكەلەي شىعىستارعا قىزمەتى تىكەلەي مەملەكەتتىك قىزمەتتى كورسەتۋگە باعىتتالعان قىزمەتكەرلەردىڭ ەڭبەكاقىلارى بويىنشا شىعىندار جاتادى, اتاپ ايتقاندا:
1) جالاقىعا, ونىڭ ىشىندە «قازاقستان رەسپۋبليكاسىنىڭ مەملەكەتتىك بيۋدجەتى جانە ۇلتتىق بانكىنىڭ سمەتاسى (بيۋدجەتى) ەسەبىنەن قامتىلعان قازاقستان رەسپۋبليكاسى ورگاندارى قىزمەتكەرلەرىنە ەڭبەكاقى تولەۋدىڭ بىرىڭعاي جۇيەسى تۋرالى» قازاقستان رەسپۋبليكاسى پرەزيدەنتىنىڭ 2004 جىلعى 17 قاڭتارداعى № 1284 جارلىعىنا, «ازاماتتىق قىزمەتشىلەرگە, مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە, قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسى تۋرالى» قازاقستان رەسپۋبليكاسى ۇكىمەتىنىڭ 2007 جىلعى 29 جەلتوقسانداعى № 1400 قاۋلىسىنا سايكەس ايقىندالاتىن قىزمەتكەرلەرى تىكەلەي مەملەكەتتىك قىزمەت كورسەتەتىن زاڭدى جانە جەكە تۇلعالاردىڭ ەڭبەك اقىسىن تولەۋ شىعىستارى;
2) ەڭبەكاقى قورىنىڭ اۋدارىمدارى, ونىڭ ىشىندە جەكە تابىس سالىعى, جيناقتاۋشى زەينەتاقى قورلارىنا مىندەتتى زەينەتاقى جارناسى;
3) ىنتالاندىرۋشى, كوتەرمەلەۋشى سيپاتتاعى, سونداي-اق قوسىمشا جۇمىستار ءۇشىن اقشالاي تولەمدەر;
4) وتەماقى تولەمدەرى.
5. جاناما شىعىستارعا مەملەكەتتىك كورسەتىلەتىن كىزمەتتى كورسەتۋ پروتسەسىن قامتاماسىز ەتۋگە باعىتتالعان شىعىندار جاتادى, اتاپ ايتقاندا:
1) كوممۋنالدىق قىزمەتتەردى تولەۋگە جۇمسالاتىن شىعىستار;
2) بايلانىس قىزمەتىن تولەۋگە جۇمسالاتىن شىعىستار;
3) كولىك قىزمەتىن تولەۋگە جۇمسالاتىن شىعىستار;
4) ءۇي-جايدى جالعا الۋعا جۇمسالاتىن شىعىستار;
5) ماتەريالدىق قورلار ساتىپ الۋعا جۇمسالاتىن شىعىستار (شارۋاشىلىق ماتەريالدار, كەڭسە كەرەك-جاراقتارى);
6) ماتەريالدىق ەمەس اكتيۆتەر ساتىپ الۋعا جۇمسالاتىن شىعىستار;
7) وزگە دە قىزمەتتەر مەن جۇمىستارعا تولەۋگە جۇمسالاتىن شىعىستار (عيماراتتار مەن ءۇي جايلاردى, جابدىقتارى, كولىكتىك جانە باسقا نەگىزگى قۇرالداردى ۇستاۋعا, قىزمەت كورسەتۋگە);
8) وزگە دە اعىمداعى شىعىستار (6 تارماقتىڭ 1-7) تارماقشالارىندا كوزدەلمەگەن وزگە دە اعىمداعى شىعىستار مەملەكەتتىك كورسەتىلەتىن قىزمەت قۇنىنا ولاردىڭ قىزمەتتى كورسەتۋ ءۇشىن جۇمسالعان مولشەرىندە عانا قوسىلادى).
3. مەملەكەتتىك كورسەتىلەتىن قىزمەت قۇنىن ەسەپتەۋ
6. مەملەكەتتىك كورسەتىلەتىن قىزمەتتەردىڭ قۇنى ءبىر رەت كورسەتىلگەن مەملەكەتتىك كورسەتىلەتىن قىزمەت قۇنىن ەسەپتەۋ كەستەسى (بۇدان ءارى – كەستە) بويىنشا ءبىر رەت كورسەتىلگەن ءاربىر مەملەكەتتىك كورسەتىلەتىن قىزمەتكە وسى ادىستەمەگە قوسىمشاعا سايكەس نىسان بويىنشا ەسەپتەلەدى.
كەستەنىڭ 1-باعانىندا كەستە جولدارىنىڭ رەتتىك سانى كورسەتىلەدى.
كەستەنىڭ 2-باعانىندا مەملەكەتتىك كورسەتىلەتىن قىزمەتتىڭ اتاۋى كورسەتىلەدى.
كەستەنىڭ 3-باعانىندا 1 جىل (قارجى جىلى) كورسەتىلگەن مەملەكەتتىك قىزمەتتىڭ سانى مەملەكەتتىك كورسەتىلەتىن قىزمەتتىڭ ءاربىر اتاۋى بويىنشا بولىنىسىندە ء(بىر قارجى جىلى ىشىندە كورسەتىلگەن جەكەلەپ العان اتاۋ بويىنشا مەملەكەتتىك كورسەتىلەتىن قىزمەت سانى);
كەستەنىڭ 4-باعانىندا ءاربىر مەملەكەتتىك كورسەتىلەتىن قىزمەت اتاۋى بويىنشا بولىنىسىندە مەملەكەتتىك كورسەتىلەتىن قىزمەت سانى كورسەتىلەدى.
تولىق اۆتوماتتاندىرىلعان نىساندا (ادامنىڭ قاتىسۋىنسىز) مەملەكەتتىك كورسەتىلەتىن قىزمەت قۇنى ەسەپتەلگەن جاعدايدا, «قىزمەتكەرلەر سانى» جولىندا 1 سانى كورسەتىلەدى.
ءىشىنارا اۆتوماتتاندىرىلعان نىساندا (ادامنىڭ قاتىسۋىمەن اقپاراتتىق جۇيەنىڭ كومەگىمەن) كورسەتىلەتىن مەملەكەتتىك قىزمەت قۇنى ەسەپتەلگەن جاعدايدا, «قىزمەتكەرلەر سانى» باعانىندا تىكەلەي مەملەكەتتىك قىزمەتتى كورسەتكەن قىزمەتكەرلەر سانى مەن 1+قوسىندىسى كورسەتىلەدى;
كەستەنىڭ 5-باعانىندا ادىستەمەنىڭ 5 تارماعىنىڭ 1 – 4) تارماقشاسىندا كورسەتىلگەن تىكەلەي شىعىستاردى قوسۋ جولىمەن مەملەكەتتىك كورسەتىلەتىن قىزمەتتەردىڭ ءاربىر اتاۋى بويىنشا جەكە مەملەكەتتىك قىزمەت كورسەتەتىن قىزمەتكەرلەر سانىندا جۇمسالاتىن تىكەلەي شىعىستاردىڭ جالپى سوماسى كورسەتىلەدى;
كەستەنىڭ 6-باعانىندا قىزمەت كورسەتۋشى قىزمەتكەرلەرىنىڭ جالپى سانى كورسەتىلەدى;
كەستەنىڭ 7-باعانىندا مەملەكەتتىك قىزمەت كورسەتۋگە جۇمسالاتىن جاناما شىعىستاردىڭ جالپى سانى كورسەتىلەدى.
كەستەنىڭ 8-باعانىندا تىكەلەي مەملەكەتتىك قىزمەت كورسەتەتىن قىزمەتكەرلەر سانىنا قىزمەت كورسەتۋشى قىزمەتكەرلەرىنىڭ جالپى سانىنا اراقاتىناسىمەن ايقىندالاتىن جاناما شىعىستاردىڭ ۇلەسى (كەستەنىڭ 4 – باعانىنىڭ ءمانى مەن كەستەنىڭ 6 – باعانىنداعى مانىنە اراقاتىناسى تۇرىندە ايقىندالادى).
كەستەنىڭ 9-باعانىندا 8 - باعاندا ايقىندالعان مانىنە سايكەس مەملەكەتتىك قىزمەتتىڭ ءاربىر اتاۋى بويىنشا جاناما شىعىستاردىڭ جالپى سوماسىنىڭ ءبولىنۋى كورسەتىلەدى (كەستەنىڭ 7 - باعانىنىڭ ءمانىن كەستەنىڭ 8 باعانىنىڭ مانىنە كوبەيتۋمەن ايقىندالادى).
كەستەنىڭ 10-باعانىندا ءاربىر مەملەكەتتىك كورسەتىلەتىن قىزمەتتىڭ اتاۋى بويىنشا جەكە سىزىقتىق ۇلەستەر بويىنشا بولىنگەن جاناما شىعىستاردىڭ قوسىندىسى جيناقتالادى (كەستەنىڭ 5 – باعانىنىڭ ءمانى مەن كەستەنىڭ 9 - باعانىنىڭ ءمانىنىڭ اراقاتىناسىمەن ايقىندالادى).
كەستەنىڭ 11-باعانىندا مەملەكەتتىك كورسەتىلەتىن قىزمەتتىڭ ءاربىر اتاۋى بويىنشا جەكە مەملەكەتتىك كورسەتىلەتىن قىزمەتتىڭ كورسەتىلگەن سانىنا تىكەلەي جانە بولىكتەرگە بولىنگەن جاناما شىعىستاردىڭ سوماسىن ءبولۋ جولىمەن ءاربىر مەملەكەتتىك كورسەتىلەتىن قىزمەتتىڭ اتاۋى بويىنشا ايقىندالاتىن كورسەتىلگەن مەملەكەتتىك قىزمەتتىڭ قۇنى كورسەتىلەدى (10 - باعاننىڭ 3 - باعانعا اراقاتىناسى ارقىلى انىقتالادى).
4. مەملەكەتتىك كورسەتىلەتىن قىزمەتتىڭ قۇنىن قولدانۋ
7. مەملەكەتتىك كورسەتىلەتىن قىزمەتتىڭ قۇنى قىزمەت كورسەتۋشىلەرگە مەملەكەتتىك قىزمەتتەر كورسەتۋدىڭ ەكونوميكالىق تيىمدىلىگىن ايقىنداۋ ماقساتىندا ەسەپتەلەدى.
قىزمەت كورسەتۋشىلەرگە مەملەكەتتىك قىزمەتتەر كورسەتۋدىڭ ەكونوميكالىق تيىمدىلىگى اعىمداعى كەزەڭدەگى مەملەكەتتىك قىزمەت قۇنىنىڭ الدىڭعى كەزەڭدەگى مەملەكەتتىك قىزمەت قۇنىنا ارا قاتىناسى جولىمەن ايقىندالادى:
قن= اق (اعىمداعى كەزەڭدەگى) / قن (الدىڭعى كەزەڭدەگى)
مۇندا:
قن (اعىم.كەزەڭ.) – اعىمداعى كەزەڭدەگى مەملەكەتتىك قىزمەت قۇنى,
قن (الدىڭ.كەزەڭ) – الدىڭعى كەزەڭدەگى مەملەكەتتىك قىزمەت قۇنى.
8. ەگەر مەملەكەتتىك قىزمەتتەر كورسەتۋدىڭ ەكونوميكالىق تيىمدىلىگى 1-گە تەڭ كوەففيتسيەنتتەن ارتىق بولسا, وندا شىعىنداردى وڭتايلاندىرۋ جونىندەگى باسقارۋشىلىق شەشىمدەر قابىلداۋ ءۇشىن قىزمەت كورسەتۋشى شىعىندارىنىڭ قۇرىلىمىنا تالداۋ جاسالادى.
9. مەملەكەتتىك كورسەتىلەتىن قىزمەتتىڭ قۇنى, سونداي-اق اقىلى نەگىزدە كورسەتىلەتىن مەملەكەتتىك قىزمەتتەردى اكىمشىلەندىرۋدىڭ تيىمدىلىگىن (رەنتابەلدىلىگىن) ايقىنداۋ ءۇشىن دە قولدانىلادى.
اقىلى نەگىزدە كورسەتىلەتىن مەملەكەتتىك قىزمەتتەردى اكىمشىلەندىرۋدىڭ تيىمدىلىگى (رەنتابەلدىلىگى) مەملەكەتتىك قىزمەت كورسەتۋ كەزىندە بيۋدجەت كىرىسىنە الىنعان سومانىڭ مەملەكەتتىك قىزمەت قۇنىنا ارا قاتىناسى جولىمەن ەسەپتەلەدى:
ءات = قن / بك
مۇندا:
ەت – اقىلى نەگىزدە كورسەتىلەتىن مەملەكەتتىك قىزمەتتەردى اكىمشىلەندىرۋدىڭ تيىمدىلىگى (رەنتابەلدىلىگى),
قن – مەملەكەتتىك قىزمەت قۇنى,
بك – كورسەتىلگەن مەملەكەتتىك قىزمەتتەن بيۋدجەتكە تۇسەتىن كىرىس سوماسى.
10. ەگەر اقىلى نەگىزدە كورسەتىلەتىن مەملەكەتتىك قىزمەتتەردى اكىمشىلەندىرۋ تيىمدىلىگى (رەنتابەلدىلىگى) 1 كوەففيتسيەنتىنەن ارتىق بولعان جاعدايدا, مەملەكەتتىك كورسەتىلەتىن قىزمەت ءۇشىن تولەم (الىم) مولشەرلەمەلەرىنىڭ مولشەرىن قايتا قاراۋ تۋرالى شەشىم قابىلدانادى, نە مەملەكەتتىك قىزمەتتى باسەكەلەستىك ورتاعا بەرۋ تۋرالى ماسەلە قاراۋعا شىعارىلادى.
مەملەكەتتىك كورسەتىلەتىن قىزمەتتىڭ قۇنىن ايقىنداۋ ادىستەمەسىنە قوسىمشا
نىسان
ءبىر رەت كورسەتىلگەن مەملەكەتتىك كورسەتىلەتىن قىزمەتتىڭ قۇنىن ەسەپتەۋ كەستەسى
كەزەڭ
№ پ/پ مەملەكەت-
تىك كورسە-
تىلەتىن قىزمەتتىڭ اتاۋى 1 جىلعا كورسەتىلەتىن مەملەكەتتىك قىزمەت سانى (رەت) بەرىلگەن مەملەكەتتىك قىزمەتتى تىكەلەي كورسەتەتىن قىزمەتكەر-لەر سانى (ادام) بەرىلگەن مەملەكەتتىك قىزمەتتى تىكەلەي كورسەتەتىن قىزمەتكەر-لەر سانىنا ارنالعان تىكەلەي شىعىستار (مىڭ تەڭگە) قىزمەت كورسەتۋشىنىڭ جالپى قىزمەتكەر-لەر سانى (ادام) جاناما شىعىس-تاردىڭ جالپى سوماسى (مىڭ تەڭگە) جاناما شىعىستار-دىڭ تۇتىنۋ ۇلەسى % (6 / 4 باعانا). جاناما شىعىستار جالپى سوماسىن تۇتىنۋشى-لار ۇلەسىنە ءبولۋ (مىڭ تەڭگە) (7 * 8 باعانا). جاناما شىعىستار ۇلەسى بويىنشا ۇلەستىرىلەتىن تىكەلەي شىعىستار سوماسى (مىڭ تەڭگە) (5 + 9 باعانا) مەملەكەتتىك كورسەتىلەتىن قىزمەتتىڭ قۇنى, (مىڭ تەڭگە) (10 / 3 باعانا)
1 2 3 4 5 6 7 8 9 10 11
1. ا
2. ب
3. س
4. د
جيىنى 0 ح 0 0 0 0 0 0 0
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 11 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №8568 بولىپ ەنگىزىلدى.
