دەنساۋلىق ساقتاۋ باسقارماسىنىڭ مالىمەتىنشە, بۇل ماقساتتا رەسەيدەن 60 ملن تەڭگەگە 70 مىڭ «گريپپول» ۆاكتسيناسى اكەلىنىپ, وبلىستىڭ ەمدەۋ مەكەمەلەرىنە تاراتىلىپ بەرىلگەن. مەديتسينا قىزمەتكەرلەرىنە, د-ەسەبىنە تىركەلگەن بالالارعا, مۇمكىندىگى شەكتەۋلى ازاماتتارعا, زەينەتكەرلەر مەن مەملەكەتتىك مەكەمەلەردىڭ قامقورلىعىنداعى ادامدارعا, سونداي-اق ىندەت بەلگىلەرى انىقتالعان ناۋقاستارعا تەگىن ەكپە جاسالادى.
باسقارما وكىلدەرىنىڭ ايتۋىنشا, الدىن الا تۇماۋعا قارسى ساقتىق شارالارىن قابىلداپ, يممۋنيتەتىن كوتەرگىسى كەلەتىن تۇرعىندار وزدەرى تىركەۋدە تۇرعان جەرگىلىكتى ەمحانالارعا بارۋى ءتيىس.
سونداي-اق وبلىس تۇرعىندارى قىركۇيەكتىڭ ون بەسىنەن باستاپ وزىنە قولايلى نەمەسە تۇرعىلىقتى مەكەنىنە جاقىن ورنالاسقان ەمحانانى ءوز قالاۋى بويىنشا تاڭداپ, سول جەرگە قايتا تىركەۋگە تۇرا الادى. ول ءۇشىن ۇيدەن شىعۋدىڭ قاجەتى جوق. ەلەكتروندى تسيفرلى قولتاڭبانى پايدالانا وتىرىپ, eGov ۆەب-پورتالى ارقىلى قالاعان ەمحاناعا تىركەلۋگە بولادى. تۇرعىنداردى تىركەۋ كومپانياسى قاراشا ايىنىڭ ون بەسىنە دەيىن جالعاسادى.
– قوستاناي وبلىسىنىڭ تۇرعىندارى قالاۋىنا قاراي العاشقى مەديتسينالىق-سانيتارلىق كومەك كورسەتەتىن كەز كەلگەن مەديتسينالىق مەكەمەگە تىركەۋگە تۇرا الادى. قوستاناي قالاسىنىڭ وزىندە مۇنداي 4 مەملەكەتتىك ەمحانا, 3 جەكەمەنشىك مەكەمە بار, – دەدى دەنساۋلىق ساقتاۋ باسقارماسىنىڭ ءباسپاسوز حاتشىسى كسەنيا جىلقىباەۆا.
قوستاناي وبلىسى
