زاماناۋي ۇلگىدە بوي كوتەرەتىن نىساننىڭ قۇرىلىس جۇمىستارى بيىل قاراشا ايىندا باستالىپ, 2021 جىلدىڭ قازان ايىندا پايدالانۋعا بەرىلەدى دەپ كۇتىلۋدە.
"باتىس قىتاي – باتىس ەۋروپا" حالىقارالىق كولىك ءدالىزى بويىندا سالىناتىن مەموريالدىق كەشەننىڭ جالپى اۋماعى 5 گەكتاردى قۇرايدى. نىسان كىتاپحانا, كورمە زالى, قوناق ءۇي, اسحانا, كونفەرەنتس زالى, سپورت زالى, سپورتشىلاردىڭ كيىم اۋىستىرۋعا, جۋىنۋعا ارنالعان جانە باسقا دا قاجەتتى بولمەلەرمەن قامتىلاتىن بولادى. عيماراتتىڭ اۋماعى جاسىل-جەلەكپەن اباتتاندىرىلىپ, ورىندىقتار مەن جارىقشامدار ورناتىلادى. سونداي-اق جوبادا بالالارعا ارنالعان ويىن الاڭشاسى مەن اۆتوتۇراق تا قاراستىرىلعان.
ايتا كەتەيىك, سپورتتىڭ بىرنەشە تۇرىمەن شۇعىلدانۋعا لايىقتى ەتىپ بوي كوتەرەتىن كەشەن ءتۇرلى دەڭگەيدەگى جارىستاردى وتكىزۋگە دە ىڭعايلى بولماق.
