تەحنولوگيا • 16 قىركۇيەك، 2020

Apple قانداعى وتتەگىنى ەسەپتەيتىن ساعات شىعاردى

41 رەت كورسەتىلدى

وسى كۇزدە Apple  جانكۇيەرلەرى قۋانىشتى جاڭالىق كۇتكەن. كومپانيا پايدالانۋشىلارىنا جاڭا، 12-ءىنشى IPhone تانىستىرىلىمىن جاساۋعا ۋادە ەتكەن ەدى. دەسە دە گادجەت وندىرۋشىلەرى جاڭا "المافوندى" تانىستىرۋعا اسىقپايتىن سىڭايلى. Ipad-تىڭ سەگىزىنشى تولقىنى مەن Apple Watch سمارت ساعاتتارىنىڭ جاڭا شىعارىلىمىن جۇرتشىلىققا تانىستىرعان كومپانيا IPhone 12  قاشان شىعاتىنىن جاسىرىپ وتىر، دەپ حابارلايدى Egemen.kz

جاڭا iPad 8  تۇساۋكەسەرى وسىمەن ەكىنشى رەت كومپانيانىڭ ءداستۇرلى ءماجىلىس زالىندا، قوناقتاردىڭ قاتىسۋىنسىز ءوتتى. كورەرمەندەر تانىستىرىلىمدى ونلاين فورماتتا، سايت ارقىلى تاماشالاۋعا مۇمكىندىك الدى.

9،7 ديۋيمدىك IPS ەكرانى بار، جۇقا جاقتاۋلارى مەن Home تۇيمەسى بار پلانشەت كوپشىلىكتىڭ كوڭىلىنەن شىعىپ وتىر. قۇرىلعى  بۇل جولى iPhone Xs جانە iPad Pro 2018-دە ورناتىلعان Apple A12 پروتسەسسورىمەن ەرەكشەلەنگەن.

سونداي-اق، Apple ديسپلەيى جوق iPad Air جاڭا بۋىنىن دا شىعاردى. بۇل جولعى 11 ديۋيمدىك قۇرىلعى iPad Pro-عا ارزان بالاما رەتىندە ورنالاستىرىلعان. پلانشەت بەس ءتۇستى: قارا، اق، التىن، كوك جانە جاسىل بولادى. جاڭا iPad كومپانيانىڭ سايتىندا  سەيسەنبىدەن باستاپ قولجەتىمدى. ال ساتىلىمعا 18 قىركۇيەكتە شىعادى.

Apple-دىڭ تاعى ءبىر جاڭالىعى -  Watch Series 6. سمارت ساعاتتىڭ ارتىقشىلىعى مول. بۇرىنعىدان 20 پايىزعا قۋاتتى قۇرىلعى قانداعى وتتەگىنىڭ دەڭگەيىن جانە ۇيقىنىڭ ۇزاقتىعىن باقىلاپ وتىرادى. سونداي-اق، "اقىلدى" ساعات قولدى ساپالى جۋ ءۇشىن قانشا سەكۋند كەرەك ەكەنىن دە ەسەپتەپ بەرەدى. Apple Watch Series 6-نى قالتاسى كوتەرمەيتىن پايدالانۋشىلارىن دا ۇمىتپاعان. ولار ءۇشىن Apple Watch SE سەرياسىن ۇسىندى.

سوڭعى جاڭالىقتار

ۇقساس جاڭالىقتار