مەملەكەت ەلىمىزدەگى ازاماتتىق قوعام دامۋىنا ەرەكشە كوڭىل ءبولىپ كەلەدى. سونىڭ جارقىن ءبىر كورىنىسى جاقىن ارادا ەلىمىزدە كەزەكتى ازاماتتىق فورۋمنىڭ وتكىزىلۋى. وسىعان وراي كەشە «قازاقستاننىڭ ازاماتتىق اليانسى» زتب پرەزيدەنتى نۇرلان ەرىمبەتوۆ ارنايى ءباسپاسوز ءماسليحاتىن وتكىزدى.
مەملەكەت ەلىمىزدەگى ازاماتتىق قوعام دامۋىنا ەرەكشە كوڭىل ءبولىپ كەلەدى. سونىڭ جارقىن ءبىر كورىنىسى جاقىن ارادا ەلىمىزدە كەزەكتى ازاماتتىق فورۋمنىڭ وتكىزىلۋى. وسىعان وراي كەشە «قازاقستاننىڭ ازاماتتىق اليانسى» زتب پرەزيدەنتى نۇرلان ەرىمبەتوۆ ارنايى ءباسپاسوز ءماسليحاتىن وتكىزدى.
قازاقستان رەسپۋبليكاسى ورتالىق كوممۋنيكاتسيالار قىزمەتىنىڭ رەسمي وكىلى التاي ابيبۋللاەۆ ازاماتتىق قوعام وكىلدەرى قوعامدىق باقىلاۋ ينستيتۋتتارىن نىعايتۋدا زور ءرول اتقارىپ كەلە جاتقاندىعىن ەرەكشە اتاپ كەتتى. ونىڭ مالىمەتىنە قاراعاندا, قازىرگى كەزدە ەلىمىزدىڭ ءار وڭىرىندە باستى فورۋم وتكىزۋ اياسىندا ءتۇرلى ءىس-شارالار ۇيىمداستىرىلۋدا. بۇل رەتتە ۇستىمىزدەگى جىلدىڭ 14-15 قاراشاسىندا ەلورداداعى تاۋەلسىزدىك سارايىندا ازاماتتىق فورۋم وتەتىنىن ايتا كەتۋ كەرەك. قازىرگى تاڭدا ازاماتتىق فورۋمنىڭ نەگىزگى ماقساتى مەملەكەتتىك ورگاندار مەن ۇكىمەتتىك ەمەس ۇيىمدار اراسىنداعى قارىم-قاتىناستاردى كەڭەيتۋ بولسا, ولاردىڭ اراسىندا اشىق تا بارشاعا تۇسىنىكتى ىنتىماقتاستىقتى ورناتۋ باستى ماسەلە.
مىڭعا جۋىق ۇكىمەتتىك ەمەس ۇيىمداردى بىرىكتىرەتىن «قازاقستاننىڭ ازاماتتىق اليانسى» زاڭدى تۇلعالار بىرلەستىگىنىڭ پرەزيدەنتى ۇستىمىزدەگى جىلدىڭ 11 قازانىنداعى ۇكىمەتتىڭ كەڭەيتىلگەن وتىرىسىندا مەملەكەت باسشىسىنىڭ بەرگەن سىني تاپسىرمالارىن ىسكە اسىرۋعا دەگەن ازاماتتىق اليانستىڭ ۇلەسىن جانە ۇكىمەتتىك ۇيىمداردىڭ تىنىس-تىرشىلىگىن اڭگىمەلەپ بەردى.
سوڭعى جىلدارى ۇكىمەتتىك ەمەس ۇيىمدار قىزمەتى كوز الدىمىزدا قۇلدىراي باستاعان. نۇرلان ەرىمبەتوۆتىڭ ايتۋىنشا, كەزىندە تىركەۋدەن وتكەن 27 مىڭ ۇكىمەتتىك ەمەس ۇيىمداردىڭ قازىرگى تاڭدا 1,5-2 مىڭى قالسا جاقسى. بۇرىندارى ۇەۇ جەڭىل بيزنەس كوزىنە اينالسا, زاڭدىق وزگەرىستەرگە سايكەس بۇگىندە وعان جول جوق. سوندىقتان ولاردان كوپشىلىگى كەتىپ قالعان. زاڭ تالابىنا سايكەس بۇل سالادا ىستەگىسى كەلەتىندەر الدىن الا تولەم جاساۋى ءتيىس ەكەن. الايدا, مۇگەدەكتەرمەن, ناشاقورلارمەن جانە وزگە دە قوعامنىڭ ءالسىز توپتارىمەن جۇمىس ىستەيتىندەر ونداي الدىن الا تولەمدى جاساي الماسا كەرەك. سوندىقتان دا بۇل سالادا تەك ءوز ىسىنە بەرىلگەندەر عانا قالىپ وتىر.
وسى رەتتە ن.ەرىمبەتوۆ ءۇشىنشى سەكتوردى قولداۋ قاجەتتىگى بيلىك تاراپىنان تۇسىنىستىك تۋدىرىپ وتىرعاندىعىن تىلگە تيەك ەتە كەلىپ, ولاردى قاجەتتى ساياسي ساتتە پايدالانىپ قالۋ دەگەن ۇعىمنىڭ بولماۋى كەرەكتىگىنە نازار اۋداردى. قازىرگى تۇراقسىزدىق جايلاعان الەمدەگى ورىن الىپ جاتقان كەلەڭسىزدىكتەر ازاماتتىق قوعامنىڭ ۇيىسپاعاندىعىنان, دەيدى ول. الەمدە ازىق-ت ۇلىك, سۋ مەن مۇناي قورلارى ازايعان سايىن وزگە ەلدىڭ اۋماعىنا كوز الارتۋشىلار كوبەيەدى. سول كەزدە ەلدىڭ قاۋىپسىزدىگى ازاماتتارىنىڭ سانى مەن قارۋ-جاراعىنىڭ كوپتىگىنە ەمەس, قوعامىنىڭ ۇيىسۋىنا بايلانىستى بولماق. سوندىقتان, ۇكىمەتتىك ەمەس ۇيىمدار ۇكىمەتتىڭ قولى جەتە بەرمەيتىن سالالاردا ارەكەت ەتۋدى ءجون كورىپ وتىرعاندىقتارىمەن ءبولىستى.
نۇرلان كەنجەبەك ۇلى قارجى تابىلسا, كوپ شارالار ۇيىمداستىرۋعا بولادى دەپ ەسەپتەيدى. اسىرەسە, وڭىرلەردە مەملەكەتتىك ەمەس ۇيىمدار جۇمىسى اكىمدەردىڭ كوڭىل-كۇيىنە قاراي ۇيىمداستىرىلاتىنىن دا جاسىرمادى. ونىڭ مالىمەتىنە قاراعاندا, كەي اكىمدەر ءۇشىنشى سەكتورعا قولۇشىن بەرسە, كەيبىرى ءتىپتى, ولاردى قاجەت ەتپەيتىن دە كورىنەدى. نەگە قوعام ءومىرى ءبىر باسشىعا بايلانىستى بولۋى كەرەك؟ سوندىقتان ۇكىمەتتىك ەمەس ۇيىمدار جۇمىسى اكىمنىڭ رەيتينگىسىن انىقتاۋدا دا ەسكەرىلۋى قاجەت.
اسقار تۇراپباي ۇلى,
«ەگەمەن قازاقستان».
