تەحنولوگيا • 16 قىركۇيەك، 2020

ەڭ كوپ سۇرانىسقا يە ءموبيلدى قوسىمشالار

15 رەت كورسەتىلدى

پاندەميا الەمدىك ەكونوميكانى كۇي­رە­تۋمەن قاتار، جۇرتشىلىقتىڭ قاجەتتىلىگى مەن سۇرانىسىن باسقا ارناعا بۇردى. سول سەبەپتى 2020 جىلدىڭ جاڭا ترەندتەرى دە بۇرىنعىلاردان الدەقايدا وزگەشە.

مامانداردىڭ پىكىرىنشە، جىل باسىنان بەرى جاھانداعى كارانتيندىك شەكتەۋلەر digital الەمگە دە اسەر ەتپەي قويماعان. ماسەلەن، ءبىر جىل بۇرىن ادامدار ءتۇرلى مەسسەندجەرلەردى كوبىرەك قولدانسا، بيىل كوپتىڭ تاڭداۋى ءىش پىستىرمايتىن ءموبيلدى قوسىمشالارعا تۇسكەن. Sensor Tower پلاتفورماسى جۇرگىزگەن ساراپتاما دا وسىعان دالەل بولىپ وتىر.

پلاتفورما 2020 جىلدىڭ قاڭتارىنان باستاپ قازىرگە دەيىنگى ارالىقتا الەم حالىقتارى قانداي قوسىمشانى كوپ پايدالانعانى جونىندە زەرتتەۋ جاسادى. ناتيجەسىندە، «TikTok» سۇرانىسقا يە قوسىمشا دەپ تانىلعان. ساراپتاما ناتيجەسى 104،7 ميلليون ادامنىڭ سمارفونىندا اتالمىش قوسىمشا ساقتالعانىن جانە بەلسەندى پايدالاناتىنىن كورسەتتى.

ايتا كەتەرلىگى، بۇل قوسىمشانى ەڭ كوپ قول­داناتىن ەلدەردىڭ كوشىن ءۇندىستان باستاپ تۇر. مۇندا «TikTok» جۇكتەگەندەر جالپى ساننىڭ 34،4 پايىزىن قامتىعان. ال ءتىزىمدى تولىقتىرىپ تۇرعان برازيلياعا الەمدىك كورسەتكىشتىڭ 10،4 پايىزى تيەسىلى. كومپانيا ەكى ەلدەگى حالىق سانى دا كورسەتكىشتىڭ ۇلعايۋىن قامتاماسىز ەتىپ وتىر دەپ ەسەپتەيدى. وسىلايشا، الەمدى «ەكىگە ءبولىپ» وتىرعان App Store مەن Google Play-دە دە بىردەي سۇرانىسقا يە «TikTok» الەمدەگى ەڭ تانى­مال ءموبيل­دى قوسىمشا بولىپ وتىر. دەسە دە، قىس­قا بەينە جاساۋ فۋنكتسياسى بار قوسىمشانىڭ جاس­­تار مەن جاسوسپىرىمدەر اراسىندا قاشانعا دەيىن سۇ­رانىستا قالاتىنى ساراپشىلارعا ءالى دە بەيمالىم.

كوروناۆيرۋسقا بايلانىستى جاھاندىق كارانتين كەزىندە ونلاين رەجىمدەگى جۇمىس، جيىندار مەن ءتۇرلى باسقوسۋلار Zoom بەينەقوڭىراۋلار مەن كونفەرەنتسيالار قوسىمشاسىن تانىمال ەتتى. جىل باسىنان بەرى بۇل پلاتفورمانى جۇكتەگەندەر سانى شامادان تىس كوبەيگەن. وسىلايشا، Zoom اpple پايدالانۋشىلارىنىڭ اراسىندا تىزىمدە ەكىنشى بولىپ تۇر.

ايتا وتەرلىگى، Android قولدانۋشىلارى اراسىندا Snack Video قوسىمشاسى ەكىنشى ورىندا. بۇل دا قىسقا بەينەلەر جاساۋ فۋنكتسياسى بار TikTok-تىڭ انالوگى.

جىل باسىندا قولدانۋشىلارى باسىم بولعان Facebook جەلىسى ازىرگە ءۇشىنشى ورىندا تۇر. بۇل دا پىكىر الماسۋ الاڭىنا اينالعان جەلىنىڭ جوعارى تانىمالدىلىققا يە ەكەنىن كورسەتەدى. بۇعان سەبەپ، Facebook پايدالانۋشىلارىنىڭ جاس شاماسى.

 

P.S. اتالعان ءتىزىم وسىعان دەيىن تانىمال بولىپ كەلگەن Instagram جانە WhatsApp جەلىلەرىنىڭ بەل­سەندىلىگىن جوققا شىعارمايدى. بۇل ەكى الەۋ­مەتتىك جەلى دە قولدانۋشىلار سانى جاعىنان الدىڭ­عى قاتاردا. ماماندار بۇل الەۋمەتتىك جەلىلەرگە بالاما تابىلمايىنشا، ازىرگە وزەكتىلىگى جويىلمايتىنىن العا تارتادى.

 

سوڭعى جاڭالىقتار

اشىقتىق – قوعام دامۋىنىڭ كەپىلى

ايماقتار • بۇگىن، 13:00

دوللار قايتا قىمباتتادى

ەكونوميكا • بۇگىن، 12:18

ۇقساس جاڭالىقتار