ۇكىمەتتىڭ كەڭەيتىلگەن وتىرىسىنداعى سويلەگەن سوزىندە مەملەكەت باسشىسى نۇرسۇلتان نازارباەۆ بىرقاتار ماسەلەلەر جونىندە ۇكىمەتتىڭ جانە وزگە دە مەملەكەتتىك ورگانداردىڭ قىزمەتىنە قاتىستى ەلەۋلى سىن-ەسكەرتپەلەر ايتقان بولاتىن. ەلباسى سوزىندە ايتىلعان ماسەلەلەر ىسكە قوزعاۋ سالعانى, جۇمىسقا جان بىتىرگەنى سەزىلەدى. ەلباسى قوزعاعان سىن-ەسكەرتپەلەرگە بايلانىستى ءتيىستى شارالار قابىلدانىپ, جۇزەگە اسىرىلا باستاعان. ءالى دە ەسكەرەتىن ماسەلەلەر از ەمەس. تومەندەگى پىكىرلەر سونىڭ دالەلى بولا الادى.
سىن تەزىنە سالىندى: قورىتىندى قانداي؟
*ۇكىمەتكە – سىناق, اكىمگە – ساباق
ۇكىمەتتىڭ كەڭەيتىلگەن وتىرىسىنداعى سويلەگەن سوزىندە مەملەكەت باسشىسى نۇرسۇلتان نازارباەۆ بىرقاتار ماسەلەلەر جونىندە ۇكىمەتتىڭ جانە وزگە دە مەملەكەتتىك ورگانداردىڭ قىزمەتىنە قاتىستى ەلەۋلى سىن-ەسكەرتپەلەر ايتقان بولاتىن. ەلباسى سوزىندە ايتىلعان ماسەلەلەر ىسكە قوزعاۋ سالعانى, جۇمىسقا جان بىتىرگەنى سەزىلەدى. ەلباسى قوزعاعان سىن-ەسكەرتپەلەرگە بايلانىستى ءتيىستى شارالار قابىلدانىپ, جۇزەگە اسىرىلا باستاعان. ءالى دە ەسكەرەتىن ماسەلەلەر از ەمەس. تومەندەگى پىكىرلەر سونىڭ دالەلى بولا الادى.
جەلگە ۇشقان جيىرما ەكى ميلليون!
ەلباسى ۇكىمەتتىڭ كەڭەيتىلگەن وتىرىسىنداعى سوزىندە مەملەكەتتىك ساتىپ الۋ ماسەلەسىنە ارنايى توقتالعان بولاتىن. بيۋدجەتتىك باعدارلامالاردىڭ دۇرىس ورىندالماۋىنىڭ جانە ولاردىڭ تيىمسىزدىگىنىڭ نەگىزگى سەبەبى مەملەكەتتىك ساتىپ الۋ جۇيەسى بولىپ سانالاتىندىعىن ايتقان ەدى. كوبىنەسە مەملەكەتتىك ورگاندار تەندەرلەردە «بوگدە» جەتكىزۋشىلەردىڭ قاتىسۋىنا مۇمكىندىك بەرمەيتىن شارتتار بەلگىلەيدى. بۇعان قوسا مەملەكەتتىك ورگانداردىڭ باسشىلارى وزدەرىن وزدەرى جاۋاپكەرشىلىكتەن بوساتىپ, ساتىپ الۋعا قاتىستى شەشىم قابىلداۋدان سىرت قالاتىندىعىن سىنعا العان ەدى. ەلباسىنىڭ وسى سىنىنىڭ ادىلدىگىن تومەندەگى وقىرمان حاتى ايقىنداي تۇسەدى.
بيىلعى جىلى قىركۇيەك ايىندا «جۇمىسپەن قامتۋ-2020» كەشەندى شارانىڭ بەسىنشى باعىتى نەگىزىندە, اقمولا وبلىسى, تسەلينوگراد اۋدانى, تالاپكەر اۋىلدىق وكرۋگىندەگى ميكرواۆتوبۋس جۇرەتىن ورتالىق كوشەلەردى جانە كەيبىر حالىق تىعىز ورنالاسقان كوشەلەرگە جول سالىپ, جوندەۋ جۇمىستارىن جۇرگىزۋگە, قازىنادان جيىرما ەكى ميلليون قاراجات بولىنگەن بولاتىن.
وسى قاراجاتقا سارىارقا, قۇرمانعازى, بوگەنباي باتىر, م.اۋەزوۆ, ىرعىز, م.مامەتوۆا جانە № 41, № 44 كوشەلەرىنە تاس-قۇم (درەسۆا) توسەلۋى ءۇشىن, ارنايى سحەمالىق-كارتاسى تسەلينوگراد اۋداندىق قالا قۇرىلىسى جانە ساۋلەت باسقارماسىندا ءمور باسىلىپ بەكىتىلگەن. بارلىق اتقارىلۋعا ءتيىس كوشە جولدارىنىڭ ۇزىندىعى 6 شاقىرىمدى قۇرايدى, بىراق كۇنى بۇگىنگە دەيىن, ناقتىراق ايتساق, قىركۇيەك پەن قازان ايىندا اتقارىلعان جۇمىس كولەمى ءۇش-اق شاقىرىم. نەتكەن ماسقارا!!! الدا ءالى ءۇش شاقىرىمداي جۇمىس ىستەلۋى كەرەك. ەگەردە ءدال وسىلاي جۇمىس ىستەلەتىن بولسا, ءالى ەكى اي ۋاقىت كەرەك.
جۇمىستىڭ جۇرمەيتىن نەگىزگى سەبەبى, اقشانىڭ جوقتىعى. ءبىر كۇن جۇمىس ىستەلسە, بىرنەشە كۇن جۇمىس جوق, ويتكەنى, تاس-قۇم (درەسۆا) تاسيتىن «كاماز-دارعا» تيەپ اكەلۋ ءۇشىن ءار رەيسكە قولما-قول اقشا بەرىلۋى كەرەك. ال ولارعا بەرىلەتىن اقشا جوق, ياعني اۋدارىلماعان, – دەيدى تەندەردى جەڭىپ العان توو-نىڭ باستىعى ايناش اپاي.
ال ايناش اپايدىڭ ۇستىنەن قاراپ, بارلىق جۇمىستى ۇيىمداستىراتىن يلگار باستىق (كاۆكازدىق) مەنەن بۇرىنعى باستىق توعىز ميلليون تەڭگەنى قالتاسىنا سالىپ قاشىپ كەتىپتى, ال مەن قالعان اقشانى جەتكىزە الماي جاتىرمىن دەگەن سىڭاي تانىتىپ ءجۇر. سوندا ءبىزدىڭ تالاپكەر حالقىنىڭ از دا بولسا كوشە جولدارى جوندەلىپ, باتپاققا بەلشەدەن باتپاي تاس-قۇم ۇستىندە ءجۇرسىن دەپ, مەملەكەتتىڭ ارنايى بولگەن ازعانتاي قارجىسى حالىقتىڭ ءوز يگىلىگىنە جۇمسالماي, كورىنگەن كوك اتتىلىنىڭ قانجىعاسىندا كەتە بەرە مە؟ جوق, ولاي بولا قويماس؟!.
بالكىم, كىم بىلگەن؟ وسى بولىنگەن جيىرما ەكى ميلليون قارجى جەلگە ۇشپاسىنا نەمەسە قاراشانىڭ العاشقى جاۋعان اقشا قارى استىندا قالىپ قويماسىنا كىم كەپىل؟
مىرزاباي بورانقۇل ۇلى,
جۋرناليست.
اقمولا وبلىسى,
تسەلينوگراد اۋدانى,
تالاپكەر اۋىلى.
