نەگىزىنەن, بۇل جوبالار وتكەن كەزەڭدە بەكىتىلدى جانە 2020 جىلعا جوسپارلانعان جوبالار ورىندالادى. 2022-2025 جىلدارعا ارنالعان جوبالار بويىنشا تۇزەتۋلەر ەنگىزىلۋى مۇمكىن.
پاندەميا تەك قاشىقتان بايلانىس ورناتۋعا جانە ادامنىڭ ەڭ از قاتىسۋىمەن وندىرىستىك پروتسەستەردى ۇيىمداستىرۋعا مۇمكىندىك بەرەتىن يندۋستريا 4.0 تەحنولوگياسىن ەنگىزۋدى تەزدەتتى. جالپى العاندا, كوپ نارسە بەلگىلى ءبىر دارەجەدە دامىعان سالالارعا بايلانىستى بولادى. تسيفرلانباعان ءوندىرىس پروتسەستەرىنىڭ ۇلكەن ۇلەسى ءتان سالالارعا سوققى ۇلكەن بولادى.
يندۋستريا 4.0 تەحنولوگيالارىن ەنگىزۋدەن تۇسەتىن پايداعا قاتىستى وسى تەحنولوگيالار قىسقا مەرزىمدە ءوندىرىستى قاشىقتاعى رەجيمگە قايتا باعدارلاۋعا جانە ءتىپتى جاڭا ءوندىرىستى: قورعانىس ەكراندارى مەن ءوجج (وكپەنى جاساندى جەلدەتۋ) اپپاراتتارىنا قوسالقى بولشەكتەردى ورىستەتۋگە مۇمكىندىك بەردى.
سونىمەن قاتار ۇلكەن دەرەكتەردى تالداۋ, سەنسورلار جانە تەلەماتيكا سياقتى تەحنولوگيالار وپەراتسيالىق جۇمىستاردى مۇمكىندىگىنشە تەز ءارى ءتيىمدى جۇرگىزۋگە جانە قاشىقتان قول جەتكىزۋ ارقىلى ءوندىرىس پروتسەستەرىنە ۋاقىتىلى جاۋاپ بەرۋگە جانە تۇزەتۋلەر ەنگىزۋگە مۇمكىندىك بەرەدى. وسىلايشا, يندۋستريا 4.0 تەحنولوگيالارى پاندەميا كەزىندە ءوندىرىستى توقتاتپاۋعا جانە ءوز قىزمەتىن جالعاستىرۋعا مۇمكىندىك بەرەدى, سونىڭ ناتيجەسىندە ەل ەكونوميكاسى وڭتايلى دەڭگەيدە ساقتالادى.
