سۇندەت ءابدءىراحمان ۇلى بايعوجين 1984 جىلى ارقالىق قالاسىندا دۇنيەگە كەلگەن.
قازاق ۇلتتىق مۋزىكا اكادەمياسىنىڭ تۇلەگى. بۇعان دەيىن "استانا وپەرا" تەاترىندا جەتەكشى وپەرا ءانشىسى, قىزىلوردا وبلىسى اكىمىنىڭ كەڭەسشىسى قىزمەتتەرىن اتقاردى. قر مەملەكەتتىك سىيلىعىنىڭ, "قۇرمەت" وردەنىنىڭ يەگەرى.
ونەر ورداسىنىڭ جاڭا ديرەكتورىن كوپشىلىككە وبلىستىق مادەنيەت باسقارماسىنىڭ باسشىسى تانىستىردى.
"سۇندەت بايعوجين - قوستاناي ءوڭىرىنەن شىققان ۇلتىمىزدىڭ تالانتتى ۇلدارىنىڭ ءبىرى. ەندى تۋعان جەردە بار كۇش-جىگەرىن سالىپ ەڭبەك ەتىپ, ۇلكەن شىعارماشىلىق ۇجىمدى جاڭا بەلەستەرگە جەتەلەيدى دەپ سەنىم ارتامىز", - دەدى ە. قالماقوۆ.
قوستانايداعى وبلىستىق فيلارمونيا 1944 جىلى قۇرىلعان. قازىر مۇندا قازاق جانە ورىسحالىق اسپاپتارىنىڭ وركەسترلەرى, "قوستاناي تاڭى" بي ءانسامبلى, كامەرالىق وركەستر, "ماسا" ساتيرا جانە ءازىل تەاترى, "سلاۆيان اندەرى" ءانسامبلى, "دوستار" توبى, سياقتى 8 شىعارماشىلىق ۇجىم جۇمىس ىستەيدى.
قوستاناي وبلىسى
