12 قىركۇيەكتە قاراعاندى وبلىسى پروكۋراتۋراسىنىڭ ارنايى پروكۋرورلار باسقارماسىنىڭ قىزمەتكەرلەرى قازاقستان رەسپۋبليكاسى قىلمىستىق ءىس جۇرگىزۋ كودەكسىنىڭ 128-بابىنىڭ تارتىبىمەن قاراعاندى قالاسى اكىمىنىڭ ورىنباسارى جاقسىلىق شالابەكوۆ ۇستالدى.
"لاۋازىمدى تۇلعا قازاقستان رەسپۋبليكاسى قىلمىستىق كودەكسىنىڭ 189-بابىنىڭ 4-بولىگىندە كوزدەلگەن قىلمىستىق قۇقىق بۇزۋشىلىق جاسادى, اتاپ ايتقاندا, 2018 جىلى "نۇرلى جەر" مەملەكەتتىك باعدارلاماسى بويىنشا قاراعاندى قالاسىنىڭ ءىرى پانەلدى تۇرعىن ۇيلەرىن سالۋعا بولىنگەن بيۋدجەتتىك اقشا قاراجاتىن جىمقىرۋ جانە الدىن الا ءسوز بايلاسقان ادامدار توبىمەن كۇدىككە ءىلىندى", دەپ حابارلادى قاراعاندى وبلىسى پروكۋراتۋراسىنىڭ ءباسپاسوز قىزمەتى.
قىلمىستىق ارەكەتتەرمەن مەملەكەتكە 107 ملن تەڭگەگە زالال كەلتىرىلدى. قازىرگى ۋاقىتتا جاقسىلىق شالابەكوۆ سوتتىڭ سانكتسياسىمەن 2 ايعا قاماۋعا الىندى. تەرگەۋ جۇرگىزىلۋدە جانە وبلىس پروكۋراتۋراسى باسشىلىعىنىڭ ەرەكشە باقىلاۋىندا.
