تۇلكىباس اۋداندىق پوليتسيا بولىمىنە جەرگىلىكتى تۇرعىننان ارىز كەلىپ تۇسەدى. ول ءوزىنىڭ ارىزىندا بەلگىسىز ءبىر ازامات وزىنە ەسىرتكى زاتىن ساتپاق بولعانى جايلى كورسەتەدى. وسى جايت قر قك-ءنىڭ 297-بابى (ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ نە وتكىزۋ) بويىنشا تىركەلدى.
جەدەل-ىزدەستىرۋ ءىس-شاراسى بارىسىندا تۇلكىباس اپب-ءنىڭ پوليتسيا قىزمەتكەرلەرى تۇركىستان وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ جەدەل ۋاكىلدەرىمەن بىرلەسىپ, ەسىرتكى ساتپاق بولعان كۇدىكتىنى ۇستادى. ايعاقتى زات رەتىندە پوليتسيا قىزمەتكەرلەرى كۇدىكتىدەن 50 گرامنان استام “ماريحۋانا” تاركىلەدى. قازىرگى تاڭدا تەرگەپ-تەكسەرۋ امالدارى جۇرگىزىلۋدە.
تۇركىستان وبلىسىنىڭ پوليتسيا قىزمەتكەرلەرى ازاماتتارعا زاڭسىز ەسىرتكى ساقتاپ, وسىرگەن, ساتقاندارعا قىلمىستىق جاۋاپتىلىق تۋرالى ەسكەرتەدى.
سونداي-اق ءتارتىپ ساقشىلارى وبلىس تۇرعىندارىن سالاۋاتتى ءومىر سالتىن ۇستانۋعا جانە زياندى ادەتتەردەن باس تارتۋعا شاقىرادى. ەگەر ءسىز ەسىرتكىگە قاتىستى ماسەلەگە تاپ بولساڭىز نەمەسە وسى سالادا قىلمىس جاساۋعا بايلانىستى اقپاراتتى بىلسەڭىز, تەز ارادا پوليتسيانىڭ “102” تەلەفونى بويىنشا حابار بەرىڭىزدەر.
