ەلوردا • 14 قىركۇيەك، 2020

ەلوردادا 8 مىڭ شارشى مەتر جەر دەمالىس ورنى رەتىندە قايتا جاسالدى

27 رەت كورسەتىلدى

اۋلالار مەن قوعامدىق كەڭىستىكتى اباتتاندىرۋ جۇمىستارىنىڭ كوپ بولىگى اياقتالدى. بۇل تۋرالى ەلوردا اكىمى التاي كولگىنوۆ ينستاگرام پاراقشاسىنا جازدى، دەپ حابارلايدى Egemen.kz.

"قالا تۇرعىندارى ءۇشىن 8 مىڭ شارشى مەتر دەمالىس ورنى رەتىندە قايتا جاسالدى. كوپىر استى (سارايشىق داڭعىلى) 5 اۋماققا ءبولىندى: باسكەتبول الاڭى، بالالارعا ارنالعان، work-out، ساحنامەن بيشىلەرگە ارنالعان الاڭ، يوگامەن اينالىسۋ الاڭى ت.ب. سونداي-اق تاماقتاناتىن ورىن قويىلدى.

قابىرعالارىنا بالالاردىڭ ءتۇرلى سپورتپەن اينالىسۋىنا تۇرتكى بولۋى ءۇشىن تانىمال سپورتشىلاردىڭ مۋرالى بەينەلەندى.

بۇدان بولەك، بۇل جەردىڭ اينالاسىنداعى اۋماق اباتتاندىرىلادى. قالا تۇرعىندارى تەپلوحودپەن سەرۋەندەۋى ءۇشىن پيرس قويىلدى. اتكەنشەك ورناتىلىپ، ۇلكەن فۋتبول الاڭى سالىندى. ەندى بەتوننان سكەيت-پارك سالۋ جوسپارلانىپ وتىر.

1

الداعى ۋاقىتتا بۇل جەردە جاسىل بۇرىش، كوپفۋنكتسيونالدى امفيتەاتر پايدا بولادى.

قازىرگى ۋاقىتتا ل.ن.گۋميلەۆ اتىنداعى ەۇۋ ماڭىنداعى كوپىر استىندا قۇرىلىس جۇمىستارى جۇرگىزىلۋدە. بۇل جەردە تاعى ءبىر كوپىراستى كەڭىستىك بولادى. بيىل بارلىعى 150 اۋلا مەن 50-دەن اسا قوعامدىق كەڭىستىك اباتتاندىرىلادى (ساياباقتار، گۇلباقتارى، جەلەكجولدار). جۇمىستىڭ كوپ بولىگى اياقتالدى. كەلەسى جىلدىڭ ءتىزىمى جاسالۋدا.

4

مەملەكەت باسشىلىعى بۇقارالىق سپورتتى دامىتۋعا جاعداي جاساۋعا ەرەكشە كوڭىل بولۋدە. كارانتين بىزگە يممۋنيتەتىمىزدى نىعايتۋ كەرەكتىگىن، سپورتپەن شۇعىلدانىپ، تازا اۋادا كوپ ءجۇرۋ كەرەكتىگىن كورسەتتى."، دەپ جازدى التاي كولگىنوۆ.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار