ەەك كەڭەسىنىڭ مۇشەلەرى ىشكى نارىقتاردىڭ جۇمىس ىستەۋى, كەدەندىك جانە تەحنيكالىق رەتتەۋ, ونەركاسىپ جانە تاۋارلاردى تاڭبالاۋ ماسەلەلەرىن قاراستىردى.
قارالعان ماسەلەلەردىڭ ىشىندەگى ەڭ ماڭىزدىسى ەۋرازيالىق ەكونوميكالىق ينتەگراتسيانى دامىتۋدىڭ 2025 جىلعا دەيىنگى ستراتەگيالىق باعىتتارىنىڭ جوباسىن تالقىلاۋ بولدى. ماسەلەنى تالقىلاۋ قورىتىندىسى بويىنشا قازاقستاننىڭ كوپتەگەن ۇسىنىستارى كەلىسىلدى. ەڭ قاعيداتتى ۇستانىمداردى مەملەكەت باسشىلارى بيىل جەلتوقسان ايىندا قاراۋدى جوسپارلاپ وتىر. تاراپتار بۇگىندە ازىرلەنىپ جاتقان مەملەكەتتىك ساتىپ الۋ ماقساتتارى ءۇشىن تاۋارلاردىڭ شىعارىلعان ەلىن راستاۋ قاعيدالارىنىڭ جوبالارى جانە ەۋرازيالىق ونەركاسىپتىك ءونىم ءتىزىلىمىن جۇرگىزۋ قاعيدالارى ماسەلەلەرى بويىنشا پىكىر الماستى.
بۇل قۇجاتتار مەملەكەتتىك ساتىپ الۋعا قول جەتكىزۋ شارتتارىنا اسەر ەتۋ تۇرعىسىنان وتە ىقپالدى. ءتيىستى ەرەجەلەر بيىل جەلتوقسان ايىندا ەۇاك كەزەكتى وتىرىسىندا بەكىتىلەدى دەپ كوزدەلگەن.
بۇعان قوسا ءوزارا ساۋداداعى كەدەرگىلەردى جويۋ ماسەلەسى قىزۋ تالقىلاندى. سونىمەن قاتار مەملەكەتتىك ساتىپ الۋعا قولجەتىمدىلىكتى شەكتەۋ ماسەلەلەرى قارالدى. ەەك كەڭەسىنىڭ كەزەكتى وتىرىسى 2020 جىلعى 18 قىركۇيەككە جوسپارلانعان.
