الەم • 14 قىركۇيەك، 2020

كوروناۆيرۋس جۇقتىرعاندار كۇرت كوبەيدى

1145 رەت كورسەتىلدى

سەنبىدە فرانتسيا بويىنشا COVID-19 جۇقتىرعان 10 مىڭ ادام تىركەلدى. بۇل كوروناۆيرۋس پاندەمياسى باستالعالى بەرى ەڭ ۇلكەن كورسەتكىش بولىپ وتىر. ۇكىمەت ءبىر تاۋلىكتە وسىنشا ادامنىڭ ۆيرۋس جۇقتىرعانى الاڭداتاتىن جاعداي ەكەنىن مالىمدەدى.

سەنبىدەگى رەسمي دەرەك بويىنشا، ەلدە 10 561 ناۋقاس تىركەلگەن، ال ءبىر كۇن بۇرىن، ياعني جۇمادا ستاتيستيكا 9 406 ادامنىڭ ۆيرۋس جۇقتىرعانىن كورسەتتى. 17 ادامنىڭ ۆيرۋستان كوز جۇمعانى ءمالىم بولدى. وسىلايشا، بارلىعى 30 910 فرانتسيا ازاماتى ۆيرۋس­تان قايتىس بولدى.

مەديتسينا قىزمەتكەرلەرى مۇنى حالىقتىڭ دەمالىستان جاپپاي ورالۋىمەن، مەكتەپتەردىڭ قايتا اشىلۋىمەن بايلانىستىرادى. پرەمەر-مينيستر جان كاستەكس كوروناۆيرۋس پاندەمياسىنا قاتىستى جاعدايدىڭ ۋشىعىپ جاتقانىن، ستاتيستيكا ۆيرۋستىڭ ءالى ايلار بويى «مازالايتىنىن» كورسەتىپ وتىرعانىن حابارلادى. وسىدان ءبىراز ۋاقىت بۇرىن ەۋروپالىقتار ءوز قالالارىندا شەكتەۋلەرگە قارسىلىعىن ءبىلدىرىپ، الاڭدارعا جينالعان-دى. ناتيجەسىندە، فرانتسيا ۇكىمەتى جاپپاي كارانتين جاريالاماي، الەۋمەتتىك قاشىقتىق ساقتاۋ مەن بەتپەردە كيۋدى مىندەتتەۋمەن شەكتەلدى. سوڭعى حابارلاردان كەيىن دە فرانتسيا ۇكىمەتى تاراپىنان قانداي دا ءبىر شەكتەۋ نە جاڭا جوسپاردىڭ قولعا الىنعانى تۋرالى ايتىلعان جوق.

 

سوڭعى جاڭالىقتار

تسيرك - الەم نازارىندا

قازاقستان • كەشە

ۇقساس جاڭالىقتار