الەمنىڭ 90-راكەتكاسى م.كۋكۋشكين ىرىكتەۋ سايىستارىنىڭ جارتىلاي فينالىندا رەيتينگتە 112-ورىندا تۇرعان جاپونيالىق تارو دەنيەلمەن كورتقا شىقتى. قازاقستاندىق تەننيسشى جەكپە-جەك بارىسىندا باسىمدىلىعىن ايقىن بايقاتىپ, قارسىلاسىن 6:2, 6:2 ەسەبىمەن جەڭدى.
باسەكە 1 ساعات 16 مينۋتقا سوزىلدى. م.كۋكۋشكين ىرىكتەۋ دوداسىنىڭ فينالىندا رەيتينگتە وزىنەن ءبىر ساتى تومەن تۇرعان گەرمانيالىق دومينيك كيوپفەردى تىزە بۇكتىرسە, نەگىزگى تۋرنيرگە وتەدى. د.كيوپفەر بۇگىن وسى جارىستىڭ ەكىنشى, الەمنىڭ 52-راكەتكاسى, فرانتسيالىق جيل سيموندى 7:5, 2:6, 6:3 ەسەبىمەن ۇتىپ كەتتى. جۇلدە قورى 3,854 ملن ەۋرونى قۇرايتىن ريم ماستەرس ءتۋرنيرى 14-22 قىركۇيەك ارالىعىندا بولماقشى.
وعان قازاقستاننىڭ ءبىرىنشى, الەمنىڭ 54-راكەتكاسى الەكساندر بۋبليك ارنايى شاقىرتۋ الدى. ونىڭ قارسىلاسى – الەمنىڭ 38-راكەتكاسى, 2014 جىلعى US Open جارىسىنىڭ جەڭىمپازى, حورۆاتيالىق مارين چيليچ. ايەلدەر اراسىنداعى وسى تۋرنيردە قازاقستاننىڭ ءبىرىنشى جانە ەكىنشى راكەتكالارى ەلەنا رىباكينا مەن يۋليا پۋتينتسەۆا باق سىنايدى.
الەمنىڭ 17-ءشى, جارىستىڭ 10-راكەتكاسى ە.رىباكينا رەيتينگتە 29-ورىندا تۇرعان رەسەيلىك ەكاتەرينا الەكساندروۆامەن كورتقا شىعادى. ە.الەكساندروۆا قازاقستاندىق تەننيسشىنى بيىل شەنچجەن (قىتاي) ءتۋرنيرىنىڭ فينالىندا جانە تسينتسينناتي دوداسىنىڭ العاشقى اينالىمىندا ۇتقان بولاتىن.
ەندى قارىمتا قايتارار كەز كەلدى. بيىل US Open تۋرنيرىندە تابىستى ونەر كورسەتىپ, شيرەك فينالعا دەيىن جەتكەن الەمنىڭ 35-راكەتكاسى يۋ.پۋتينتسەۆا رەيتينگتە 48-ورىنداعى شۆەتسيالىق رەبەككا پەتەرسونمەن كەزدەسەدى. ر.پەتەرسون بۇدان ءبىر جىل بۇرىن قىتايداعى نانچان جارىسىنىڭ فينالىندا ە.رىباكينانى سۇرىندىرگەن ەدى.
