"شىمكەنتتىڭ مەكتەپتەرىنە ديرەكتور بولعاننان, دەپۋتات بولۋ وڭاي بولار, ءسىرا. كىم شىقپادى دەيسىز! شىمكەنت قالاسىنىڭ اكىمى مۇرات ايتەنوۆ: "ەشكىمگە قاراما, تازا وتكىز" دەپ تاپسىردى. بارىنە ايتارىم ءبىر جاۋاپ بولدى: مەكتەپتىڭ ديرەكتورىن مەن شەشپەيمىن, زاڭدا كورسەتىلگەن پروتسەدۋرالار بار. سودان ءوتىپ قانا ديرەكتور بولا الادى.
جەتى كەزەڭنەن تۇراتىن (سۋرەتتە) سىناقتى تازا وتكىزۋ دە سىن بولدى. ءار كەزەڭگە ىقپال ەتكىسى كەلگەن كۇشتەر دە جەتتى.
سونىمەن, قورىتا ايتساق, 10 مەملەكەتتىك ءبىلىم بەرۋ ۇيىمى باسشىسىنا 38 ۇمىتكەر تاپسىردى. 4-كەزەڭگە جەتكەنشە 20 ادام قۇلادى. 2 ۇيىم ءتىپتى ديرەكتورعا ۇمىتكەرسىز قالدى.
5-كەزەڭدە ۇمىتكەرلەر قامقورشىلىق كەڭەسىنەن وتەدى. كەڭەستەر تاعى 11 ادامدى قۇلاتتى. 5 ۇيىمعا 9 ۇمىتكەر قالدى.
6-اينالىمدا ۇمىتكەرلەر كوميسسيانىڭ سۇراقتارىنا جاۋاپ بەرىپ, باتاسىن الۋ كەرەك. كوميسسيانىڭ قۇرامىنا كىمدەر كىرەدى؟ ءومىر شىنىبەك ۇلى, جانىسبەك وتەگەن (سۋرەتتە) باستاعان اعالارىمىز كوميسسيانىڭ تورىندە وتىرىپ, شەشىم شىعاردى.
كونكۋرستىق كوميسسيا ۇسىنىسىمەن №2 مەكتەپ-ينتەرناتىنا ساۋرانباەۆ ساپارعالي, №72 مەكتەپكە ۋسمانوۆ بەگمات ءنۇرالى ۇلى, №135 مەكتەپكە ميحەەۆ بەرىك ەلتاي ۇلى, №10 كوللەدجگە ەلشيەۆا البينا بالعابايقىزى اتالعان ءبىلىم مەكەمەلەرىنىڭ باسشىسى لاۋازىمىنا لايىق دەپ تانىلدى.
ال قالعان 6 ءبىلىم مەكەمەسىنىڭ بوس باسشىلىق لاۋازىمىنا لايىقتى ۇمىتكەرلەر بولمادى.
سونىمەن, 7-اينالىمنان تۇراتىن سىناققا 38 ۇمىتكەر قاتىسىپ, تەك قانا 4 ۇمىتكەر مارە سىزىعىن كەسىپ ءوتتى.
ءبىلىم مەكەمەلەرىنىڭ جاڭا باسشىلارىن قۇتتىقتايمىن! - دەپ جازدى قالا اكىمىنىڭ ءبىرىنشى ورىنباسارى ش. مۇقان.
