ارىس قالاسىنىڭ تۇرعىنى بالنۇر تورەحان قىسقا مەرزىمدى كاسىپتىك وقۋ وقىپ, تىگىنشى ماماندىعىن يگەرگەن. كەيىن قايتارىمسىز 505 مىڭ تەڭگە مەملەكەتتىك گرانت جەڭىپ الىپ, ءۇي ىشىنەن كىشىگىرىم تىگىن تسەحىن اشتى. ارنايى تىگىن ماشيناسىن ساتىپ العان ول سۇرانىسقا وراي, كۇنىنە 10 دانا ايەلدەرگە ارنالعان ءتۇرلى ورامالدار تىگەدى.
ءوزىنىڭ ايتۋىنشا, شىعىنىن ەسەپتەمەگەندە ايىنا 300 مىڭ تەڭگە تازا تابىس تاۋىپ وتىر. ونىڭ كاسىبىن جۇرگىزگەنىنە 1 جىلعا جۋىقتاعان. قازىرگى تاڭدا ۇيدە وتىرىپ عالامتور ارقىلى ءوز بۇيىمدارىن ساۋداعا شىعارۋدا.
ارىستا اتالعان باعدارلامانى ءتيىمدى پايدالانىپ, ءوز كاسىبىن دامىتىپ جاتقان ازاماتتار قاتارى ارتىپ كەلەدى. قازىردىڭ وزىندە بيىلعى جىلعا بولىنگەن 139 گرانتتىڭ 80-ءى يگەرىلگەن.
ايتا كەتەيىك, قايتارىمسىز قاراجات الىپ كاسىپ اشقىسى كەلەتىن ازاماتتار جۇمىسپەن قامتۋ ورتالىعىنا بارىپ تولىق اقپارات الۋىنا بولادى. ءبىر اي بويى ءبىلىم الىپ, بيزنەس جوسپارى ماقۇلدانسا, مەملەكەتتەن بولىنگەن كومەككە يە بولا الادى.
