شىمكەنت قالاسىنىڭ پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسى جانە جىلدام قيمىلدايتىن ارنايى جاساق قىزمەتكەرلەرىمەن رەسپۋبليكالىق دەڭگەيدە وتكىزىلىپ جاتقان “قاراسورا-2020” جەدەل-پروفيلاكتيكالىق ءىس-شاراسى اياسىندا جۇرگىزىلىپ جاتقان جۇمىستار بارىسىندا “فولكسۆاگەن پاسسات” ماركالى اۆتوكولىگى توقتاتىلىپ, اۆتوكولىك جولاۋشىسى تۇركىستان وبلىسىنىڭ تۇرعىنىنان ەكى پوليەتيلەندى پاكەتكە ورالعان جاسىل ءتۇستى حوش ءيىسى بار ەسىرتكىگە ۇقساس زات انىقتالىپ, تاركىلەنىپ الىندى.
ساراپشىنىڭ قورىتىندىسىنا سايكەس, تاركىلەنگەن زات جالپى سالماعى 4 كگ 755 گر قۇرايتىن “ماريحۋانا” ەسىرتكى زاتى ەكەندىگى انىقتالدى. اتالعان ازاماتتىڭ تۇرعىلىقتى مەكەنجايى بويىنشا ءتىنتۋ جۇرگىزۋ بارىسىندا قۇرامىندا ەسىرتكى زاتتارى بار وسىرۋگە تىيىم سالىنعان 31 ءتۇپ وسىمدىكتەر, تەمىر ىدىستاعى جاسىل ءتۇستى حوش ءيىسى بار ەسىرتكىگە ۇقساس زات جانە تىركەلمەگەن اڭشىلىق قارۋ انىقتالدى.
قازىرگى تاڭدا ازاماتقا قاتىستى قازاقستان رەسپۋبليكاسى قك-ءنىڭ 296-بابىنىڭ 4-بولىگى, 287-بابىنىڭ 2-بولىگى, 296-بابىنىڭ 2-بولىگى جانە 300-بابىنىڭ 2-بولىگىمەن قىلمىستىق ىستەر تىركەلىپ, سوتقا دەيىنگى تەرگەپ-تەكسەرۋ جۇمىستارى باستالدى. وعان قاتىستى “كۇزەتپەن ۇستاۋ” تۇرىندەگى بۇلتارتپاۋ شاراسى قولدانىلدى.
