"بۇگىندە جول سالاسىندا جۇمىس ىستەيتىن 4 مىڭداي مامان جەتىسپەيدى. اتاپ ايتقاندا, ەكسكاۆاتور, بۋلدوزەر, كاتوك كولىگىنىڭ وپەراتورلارى مەن قوسا گرەيدەر جانە تاسجول توسەۋ ماماندارى تاپشى. بۇگىندە وسى ماسەلەنى شەشۋ ءۇشىن شەتەلدىك مامانداردىڭ كومەگىمەن ءوز ماماندارىمىزدى ازىرلەپ جاتىرمىز. ودان بولەك, وبلىس اكىمدىكتەرىمەن كەلىسىمگە كەلىپ, جۇمىسپەن قامتۋ ورتالىقتارى ارقىلى بىزدە تاپشى مامانداردى ازىرلەۋ جانە ونى قاجەت ماماندىقتار قاتارىنا قوسۋ جۇمىستارىمەن اينالىسىپ جاتىرمىز", دەدى ۇ. ءالىپوۆ.
سونداي-اق, كومپانيا باسشىسى كارانتين جاعدايىندا جول جوندەۋ جۇمىستارىنىڭ قالاي ءجۇرىپ جاتقانى تۋرالى ايتىپ بەردى.
"ەلىمىزدە ناۋرىز ايىندا كارانتين جاعدايى ەنگىزىلدى, ال ساۋىردە بىزدە جول سالۋ جانە جوندەۋ جۇمىستارى باستالدى. باستاپقى ۋاقىتتا قيىندىقتار تۋىندادى. ءبىر جاعىنان بارلىق جەردە بلوك-پوست قويىلعان جانە سانيتارلىق تالاپتى بۇزۋعا بولمايدى, ەكىنشى جاعىنان جۇمىس جوسپارعا ساي ءجۇرۋى ءتيىس. وسى تۇرعىدا ءبىز ۇكىمەتكە جاعدايدى تۇسىندىرە وتىرىپ, رۇقسات الىپ جانە ءتيىستى سانيتارلىق تالاپتاردى ساقتاي وتىرىپ جۇمىس ىستەدىك. اسىرەسە ماسكا تاعۋ, وقشالانۋ, اراقاشىقتىقتى ساقتاۋ جۇمىس بارىسىندا ۋاقىتشا كەدەرگىلەر كەلتىرگەنى راس. دەگەنمەن بەلگىلەنگەن كارانتيندىك تالاپتاردى ساقتاي وتىرىپ, جۇمىستى بۇگىنگى كۇنگە دەيىن جالعاستىرىپ كەلەمىز", دەيدى ول.
