جۋالى اۋداندىق ورتالىق اۋرۋحاناسىنا وسى اۋدانىنىڭ تۋماسى, بۇگىندە سينگاپۋرلىق مەتسەنات, "Kusto Group" كومپانياسىنىڭ باسقارما مۇشەسى تالعات تۋرۋمباەۆ جالپى سوماسى 101 ميلليون تەڭگەگە باعالاناتىن كوروناۆيرۋسپەن كۇرەسكە ارنالعان مەديتسينالىق زاتتاردى سىيعا تارتتى.
جومارت جاننىڭ تارتۋ ەتكەن زاتتارىنىڭ ىشىندە 1,5 ملن تەڭگەگە جۇقپالى اۋرۋلار بولىمىنە وتتەگى جۇيەسى مەن 30 وتتەگى باللونى, 39 ملن تەڭگەگە جاڭا رەانيموبيل, 3000 دانا جەكە قورعانىش كيىمدەرى, 5000 دانا №95 رەسپيراتورلار, 10 دانا وتتەگى كونتسەنتراتورلارى بار.
سونىمەن قاتار, مەتسەناتتىڭ كومەگىمەن قوسىمشا جىلجىمالى رەنتگەن اپپاراتى مەن وكپەنى جاساندى جەدەلدەتۋ قۇرىلعىسى اكەلىنەدى دەپ كۇتىلۋدە.
