سپورت • 12 قىركۇيەك، 2020

قحل: "بارىس" رەسەيلىك "دينامودان" جەڭىلىپ قالدى

13 رەت كورسەتىلدى

"بارىس" بۇگىن قۇرلىقتىق حوككەي ليگاسىنداعى كەزەكتى ويىنىن ەلوردادا رەسەيدىڭ "دينامو" (ماسكەۋ) كومانداسىنا قارسى وتكىزدى، دەپ حابارلايدى Egemen.kz قازاقپاراتقا سىلتەمە جاساپ.

ەكى كوماندا بۇگىنگە دەيىن 25 مارتە كەزدەستى. ونىڭ 10-ى «بارىستىڭ» باسىمدىعىمەن اياقتالدى. قالعانىندا رەسەيلىك كلۋبتىڭ مەرەيى ۇستەم بولدى. بىلتىرعى ماۋسىمدا كوماندالار ەكى مارتە شەبەرلىك بايقاستى. وندا ەكەۋىندە دە رەسەيلىك كلۋب جەڭىسكە جەتكەن بولاتىن.

ايتا كەتەرلىگى، سوڭعى ءۇش كەزدەسۋدە قازاقستاندىق حوككەيشىلەر بۇگىنگى قارسىلاسىنا ەسە جىبەرىپ قويعان. بۇگىنگى كەزدەسۋدە ايدىن يەلەرى ويىن تىزگىنىن قولىنا الدى.

ناتيجەسىندە ەلوردالىق حوككەيشى داررەن ديتس 2-مينۋتتا "بارىستى" العا شىعاردى. ال 5-مينۋتتا "دينامو" حوككەيشىسى دميتري ياشكين تارازى باسىن تەڭەستىردى.

ويىننىڭ 9-مينۋتىندا "بارىس" تاعى العا شىقتى. گولدىڭ اۆتورى - كيورتيس ۆالك. ەكىنشى كەزەڭدە رەسەيلىك حوككەيشىلەر گول سوعاتىن مۇمكىندىكتى ىزدەدى. ولار 28-مينۋتتا ءوز دەگەنىنە جەتتى.

ونى تەەمۋ پۋلككينەن ءوزىنىڭ ەنشىسىنە جازدى. بۇدان كەيىن «بارىس» تاعى ەكى شايبا سوعىپ كەتتى. ويىننىڭ 31-مينۋتتا لينۋس ۆيدەلل مەرگەندىك تانىتسا، 37-مينۋتتا داررەن ديتس كەزدەسۋدەگى ەكىنشى گولدىڭ اۆتورى اتاندى. ءۇشىنشى كەزەڭدە «دينامو» ەكى شايبا سوعىپ كەتتى.

ۆاديم شيپاچيوۆ 51، 59-مينۋتتاردا مەرگەندىك تانىتتى. ويىن وۆەرتايمعا ۇلاستى. وندا «دينامو» جەڭىس شايباسىن سوعىپ، بيىلعى ماۋسىمداعى العاشقى جەڭىسىنە قول جەتكىزدى.

وسىلايشا "بارىس" قارسىلاسىنان 4:5 ەسەبىمەن ءسۇرىندى. "بارىس" بيىلعى ماۋسىمدا ءتورت ويىن وتكىزدى. الدىمەن لاتۆيادا "دينامو" (ريگا) كلۋبىن 3:2 ەسەبىمەن تىزە بۇكتىردى.

ودان كەيىن بەلارۋستا "دينامو" (مينسك) كومانداسىنا وۆەرتايمدا 4:5 ەسەبىمەن جەڭىلدى. ءۇشىنشى كەزدەسۋىندە رەسەيدە تسسكا (ماسكەۋ) كلۋبىنا 1:3 ەسەبىمەن ەسە جىبەرىپ، ەلوردادا قىتايدىڭ "كۋنلۋن رەد ستار" كومانداسىنان 3:2 ەسەبىمەن باسىم ءتۇستى. ەندى "بارىس" ەلوردادا 14 قىركۇيەكتە رەسەيدىڭ تسسكا (ماسكەۋ)، 18 قىركۇيەكتە لاتۆيانىڭ "دينامو" (ريگا) كلۋبتارىمەن وينايدى.

سوڭعى جاڭالىقتار

قازاقستاندا دوللار قىمباتتادى

ەكونوميكا • بۇگىن، 11:37

ۇقساس جاڭالىقتار