اگەنتتىكتىڭ حابارلاۋىنشا, ارمەنيادا 2021 جىلعى 11 قاڭتارعا دەيىن تومەندە كورسەتىلگەن شەكتەۋلەر ەنگىزىلدى. ارمەنيا رەسپۋبليكاسىنىڭ ازاماتتارى ەمەس ادامدار ءۇشىن قۇرلىق شەكاراسىنىڭ باقىلاۋ-وتكىزۋ پۋنكتتەرى ارقىلى ارمەنيا رەسپۋبليكاسىنىڭ اۋماعىنا كىرۋگە تىيىم سالىنادى. تەك تومەندەگى كەيبىر جاعدايلاردا ەلگە كىرۋگە رۇقسات بەرىلەدى:
– ارمەنيا رەسپۋبليكاسى ازاماتتارىنىڭ وتباسى مۇشەلەرى جانە ارمەنيا اۋماعىندا زاڭدى نەگىزدە تۇرۋعا قۇقىعى بار ادامدار.
– ديپلوماتيالىق وكىلدىكتەردىڭ, كونسۋلدىق مەكەمەلەردىڭ وكىلدەرى مەن حالىقارالىق ۇيىمداردىڭ وكىلدەرى مەن ولاردىڭ وتباسى مۇشەلەرى.
– جەرلەۋ راسىمىنە قاتىسۋ ماقساتىندا كەلگەن ادامدار, ولار قايتىس بولعان ادامنىڭ جاقىن تۋىستارى (اتا-اناسى, جۇبايى, بالاسى, اپكەسى, اعاسى) بولعان جاعدايدا.
– مەملەكەتارالىق تاسىمالداردى جۇزەگە اسىراتىن جۇرگىزۋشىلەر, جۇك پويىزدارىنىڭ جىلجىمالى قۇرامدارىنىڭ ماشينيستەرى (ونىڭ ىشىندە جۇك اۆتوموبيلدەرى مەن جۇك پويىزدارىنىڭ جىلجىمالى قۇرامدارىن تۇسىرگەننەن كەيىن ارمەنيا رەسپۋبليكاسىنىڭ اۋماعىنان كەتەتىندەر).
– جەدەل سيپاتى مەن كىرۋ قاجەتتىلىگىن, سونداي-اق وسى ەلدەردەگى (اۋماقتارداعى) ەپيدەميالىق جاعدايدى ەسكەرە وتىرىپ شەكارا اسكەرلەرىنىڭ قولباسشىسى. ارمەنيا رەسپۋبليكاسىنىڭ اۋماعىنا كىرگەن كەزدە ادامدار ينفەكتسيا نەمەسە سيمپتومدارىنىڭ بولۋىنا ينسپەكتسيالىق ەڭبەك جانە دەنساۋلىق ساقتاۋ ورگانى تاراپىنان جەدەل مەديتسينالىق تەكسەرۋدەن وتەدى.
