"قازاقستاندا قوعام وكىلدەرى ونلاين-پەتيتسيا ينستيتۋتىن زاڭنامالىق تۇرعىدا بەكىتۋ باستاماسىن بۇعان دەيىن بىرنەشە رەت كوتەرگەن بولاتىن. ەلىمىزدە ول ينستيتۋت جۇمىسىن باستاۋ ءۇشىن ونلاين-پەتيتسيالار بويىنشا پلاتفورمانى ازىرلەۋ كەرەك. بىراق ەڭ باستىسى قاجەتتى ءنورماتيۆتى-قۇقىقتىق بازا بولۋى ءتيىس. وسىعان بايلانىستى قازىرگى ۋاقىتتا ءبىز زاڭناماعا ەنگىزىلەتىن تۇزەتۋلەر پاكەتىن ازىرلەۋدەمىز", دەدى ايدا بالاەۆا پرەزيدەنتتىك جاستار كادرلىق رەزەرۆىندەگى ازاماتتارمەن كەزدەسۋ بارىسىندا.
ءمينيستردىڭ ايتۋىنشا ەڭ الدىمەن پەتيتسيا دەگەننىڭ نە ەكەنىن الدىمەن ءتۇسىندىرىپ الۋ كەرەك.
"ەكىنشىدەن پەتيتسيا جىبەرۋ, مەملەكەتتىك ورگانداردىڭ پەتيتسيالاردى مودەراتسيالاۋ مەن قاراۋ ءتارتىبىن رەتتەگەن ابزال. ۇشىنشىدەن مەملەكەتتىك ورگانداردىڭ پەتيتسيانى مىندەتتى تۇردە قاراۋى ءۇشىن قانشا ادام وعان قول قويۋى كەرەكتىگىن ايقىنداپ العان ءجون", دەدى ايدا بالاەۆا.
ەسكە سالا كەتسەك بۇگىن ەلوردادا پرەزيدەنتتىك كادرلىق رەزەرۆتەگى جاستار بىرقاتار مينيسترمەن كەزدەسۋ وتكىزدى. ناقتىراق ايتقاندا ىرىكتەلىپ, رەزەرۆكە ەنگەن جاستارمەن كەزدەسۋگە اقپارات جانە قوعامدىق دامۋ ءمينيسترى ايدا بالاەۆا, تسيفرلىق دامۋ, يننوۆاتسيالار مەن اەروعارىش ونەركاسىبى ءمينيسترى باعدات مۋسين, پرەزيدەنت اكىمشىلىگى باسشىسىنىڭ ورىنباسارى مالىك مىرزالين, سونداي پرەزيدەنتتىڭ كومەكشىسى ەرلان قارين شاقىرىلعان. باسقوسۋدىڭ باستى ماقساتى – پرەزيدەنت جولداۋىن تالقىلاپ, الداعى ۋاقىتتا پرەزيدەنتتىك جاستار كادرلىق رەزەرۆىن دامىتىپ, جۇزەگە اسىرۋدى جوسپارلاۋ.
