قازاقستان • 12 قىركۇيەك، 2020

تۇركىتىلدەس مەملەكەتتەردىڭ يۋنەسكو جانىنداعى تۇراقتى وكىلدەرى تيۋركسوي باس حاتشىسىمەن كەزدەستى

23 رەت كورسەتىلدى

بىرىككەن ۇلتتار ۇيىمىنىڭ ءبىلىم، عىلىم جانە مادەنيەت جونىندەگى ۇيىمىنىڭ (يۋنەسكو) جانىنداعى تۇركىتىلدەس مەملەكەتتەردىڭ تۇراقتى وكىلدەرى تۇركى مادەنيەتى حالىقارالىق ۇيىمىنىڭ (تيۋركسوي) باس حاتشىسى دۇيسەن قاسەيىنوۆپەن كەزدەسۋ وتكىزدى، دەپ حابارلايدى Egemen.kz.

كەزدەسۋ قاتىسۋشىلارى 2021 جىلى ازەربايجان، قازاقستان، قىرعىزستان، تۇرىكمەنستان مەن وزبەكستان تاۋەلسىزدىگىنىڭ 30-جىلدىعىن مەرەكەلەۋ اياسىندا تيۋركسوي-عا مۇشە مەملەكەتتەردەگى مادەني جانە تابيعي مۇرا نىساندارىن تانىستىرۋ ماقساتىندا يۋنەسكو شتاب پاتەرىندە بىرلەسكەن ءىس-شارالاردى وتكىزۋ جوسپارلارىن تالقىعا سالدى.

ءىس-شارا اياسىندا د. قاسەيىنوۆ يۋنەسكو الاڭىندا تۇركى مادەنيەتى مەن ونەرىن ىلگەرىلەتۋگە قوسىپ جۇرگەن ەلەۋلى ۇلەسىن اتاپ ءوتۋ ماقساتىندا يۋنەسكو باس كونفەرەنتسياسىنىڭ توراعاسى – تۇركيانىڭ تۇراقتى وكىلى التاي چەنگيزەردى تيۋركسوي قازاقتىڭ عۇلاما اقىنى مەن ويشىلىنىڭ 175-جىلدىعىنا وراي تاعايىنداعان «اباي» ەستەلىك مەدالىمەن ماراپاتتادى.

7

كەزدەسۋ تيۋركسوي باسشىسىنىڭ ماتەريالدىق ەمەس مادەني مۇرانى قورعاۋ جونىندەگى كونۆەنتسيانىڭ VIII باس اسسامبلەياسى اياسىنا قاتىسۋىنىڭ اياسىندا ءوتتى. د. قاسەينوۆ يۋنەسكو باس ديرەكتورىنىڭ مادەنيەت جونىندەگى ورىنباسارى ەرنەستو وتتونە راميرەسپەن كەلىسسوزدەر وتكىزىپ، سۇحباتتاسىمەن الەمنىڭ تۇركىتىلدەس جانە باسقا دا حالىقتاردىڭ ورتاق مۇرالارىن قورعاۋ جانە ناسيحاتتاۋ سالاسىندا كوكەيكەستى باستامالار مەن جوبالاردى جۇزەگە اسىرۋدا ءوزارا قولداۋ مۇمكىندىكتەرى بويىنشا پىكىر الماستى.

سوڭعى جاڭالىقتار

ۇقساس جاڭالىقتار