الەم • 12 قىركۇيەك، 2020

باحرەين يزرايلمەن ديپلوماتيالىق قاتىناس ورناتاتىن ءتورتىنشى اراب ەلى بولماق

20 رەت كورسەتىلدى

باحرەين يزرايلمەن قارىم-قاتىناستى قالىپقا كەلتىرۋ تۋرالى كەلىسىم جاساساتىن ءتورتىنشى اراب ەلى بولادى، دەپ حابارلايدى Egemen.kz قازاقپاراتقا سىلتەمە جاساپ.

اقش، باحرەين جانە ءيزرايلدىڭ بىرلەسكەن مالىمدەمەسىنە سايكەس، كەلىسىم اقش پرەزيدەنتى دونالد ترامپتىڭ بەنيامين ناتانياحۋ جانە باحرەين كورولى حاماد بين يسا ءال-حاليفامەن وسى جۇمادا كەلىسسوزدەرىنىڭ ناتيجەسى بولدى.

د. ترامپ بۇل كەلىسىمدى "تاريحي سەرپىلىس" دەپ اتادى، ال باحرەين ەگيپەت، يوردانيا جانە ءباا-دەن كەيىن يزرايلمەن وسىنداي كەلىسىم جاساسقان ءتورتىنشى اراب ەلى بولادى. ءباا باحرەين مەن ءيزرايلدىڭ قارىم-قاتىناس ورناتۋ تۋرالى شەشىمىن قۇپتادى، ولار بۇل ايماقتاعى جانە بۇكىل الەمدەگى بەيبىتشىلىك پەن ىنتىماقتاستىققا وڭ اسەر ەتەدى دەپ ۇمىتتەنەدى.

"بۇل - قاۋىپسىزدىك پەن وركەندەۋ داۋىرىنە ەلەۋلى قادام، سونداي-اق ەكونوميكالىق، مادەني، عىلىمي جانە ديپلوماتيالىق ىنتىماقتاستىق سالاسىن كەڭەيتەدى"، دەلىنگەن ءباا سىرتقى ىستەر مينيسترلىگىنىڭ مالىمدەمەسىندە.

15 قىركۇيەكتە ءباا مەن يزرايل قاتىناستاردى قالىپقا كەلتىرۋ تۋرالى كەلىسىمگە قول قويادى. ءدال سول كۇنى باحرەين مەن يزرايل كەلىسىمىنە دە قول قويىلادى.

 

سوڭعى جاڭالىقتار

ۇقساس جاڭالىقتار