كومپانيا قر ەكونوميكاسى 2020 جىلى ءوزىنىڭ ەگەمەن رەيتينگتەرىن ساقتاپ قالادى دەپ كۇتەدى جانە ولاردى ورتاشا مەرزىمدى پەرسپەكتيۆادا ارتتىرۋ الەۋەتىن بايقاپ وتىر.
بيىل ەكونوميكانىڭ شيكىزات نارىقتارىنداعى قۇلدىراۋدان ايتارلىقتاي زارداپ شەككەنىنە قاراماستان, جالپى جاعداي وڭ. ۇلتتىق ەكونوميكانىڭ تۇراقتىلىق فاكتورلارىنىڭ ءبىرى پاندەميا كورىنىستەرىنە, ونىڭ ىشىندە ءجىو قۇرىلىمىنداعى كورسەتىلەتىن قىزمەتتەردىڭ سالىستىرمالى ۇلەسىنە تومەن اسەرى بولدى.
وسى جىلدىڭ مامىر ايىندا العاشقى كارانتين شارالارى جەڭىلدەتىلگەن سوڭ, ەكونوميكانى قالپىنا كەلتىرۋ سالىستىرمالى تۇردە جىلدام جۇرگىزىلدى, بۇل رەتتە بارلىق ەكونوميكالىق كورسەتكىشتەر جاقسارعانىن كورسەتتى. 2020 جىلدىڭ 3 توقسانىنىڭ باسىندا كوروناۆيرۋستىڭ ەكىنشى تولقىنى ونى قالپىنا كەلتىرۋگە كەدەرگى كەلتىردى. بىراق شەكتەۋلەردىڭ اسەرى نەگىزىنەن قىزمەت كورسەتۋ سالاسىندا عانا بايقالدى.
ارتتا قالعان سەكتورلاردىڭ ءبىرى تاۋ-كەن ءوندىرىسى سالاسى بولدى, وعان وپەك+ كەلىسىمدەرىنە سايكەس مۇناي ءوندىرۋدى قىسقارتۋ دا اسەرىن تيگىزگەن.
كومپانيا 2020 جىلدىڭ. 1 جارتىسىندا ۇزدىك ناتيجە كورسەتكەن قۇرىلىس, تەلەكوممۋنيكاتسيا جانە اۋىل شارۋاشىلىعى سالالارى (سايكەسىنشە 11,2%, 9,0% جانە 2,4% وسىممەن) ءوسۋدىڭ وزىق قارقىنىن كورسەتۋدى جالعاستىرادى دەپ بولجاپ وتىر.
"پاندەميادان اسا زارداپ شەككەن تۇتىنۋشىلىق قىزمەتتەر, بولشەك ساۋدا جانە كولىك سياقتى سەكتورلار 2021 جىلى قالپىنا كەلتىرۋ ءوسىمىنىڭ زور الەۋەتىنە يە", دەيدى ماماندار.
