كومپانيانىڭ حابارلاۋىنشا,ء ساۋىر-مامىر جانە شىلدە-تامىز ايلارىنداعى ىشكى كارانتيننىڭ ەكى تولقىنىنان كەيىن قازاقستان ەكونوميكاسى قايتا قالپىنا كەلۋدە. ونىڭ ىشىندە, وسى جىلدىڭ تامىز ايىندا PMI وندىرىستىك يندەكسى 49,9 بەيتاراپ مانىنە دەيىن وسسە, قىزمەت كورسەتۋ سالاسى ءۇشىن PMI يندەكسى 46,0-گە جەتكەن.
"حالىقتىڭ قالىپتاسىپ جاتقان ۇجىمدىق يممۋنيتەتى, ۆاكتسينانى ازىرلەۋ مەن بەيىمدەۋدەگى ىلگەرىلەۋ, سونداي-اق ۇكىمەتتىڭ دەنساۋلىق ساقتاۋ جۇيەسىن كۇشەيتۋ جونىندەگى شارالارى قاتاڭ كارانتيندى قايتا ەنگىزۋ قاۋپىن ازايتادى", دەيدى كومپانيا وكىلدەرى.
تمد+ كونتەكستىندە كارانتين شارالارىمەن بايلانىستى جالپى شىعىندار پاندەميا كورىنىستەرىنە سالىستىرمالى تۇردە ناقتى سەكتوردىڭ تۇراقتىلىعىنىڭ, ۇكىمەت تاراپىنان ۆيرۋستىڭ تارالۋىن شەكتەۋ بويىنشا ۋاقتىلى جانە ءتيىمدى شارالاردىڭ ۇيلەسۋىنىڭ ارقاسىندا قالىپتى دەڭگەيدە قالىپ وتىر.
2020 جىلدىڭ ءبىرىنشى جارتىسىندا قر ەكونوميكاسى نەبارى 1,8%-عا قىسقاردى. قىسقارۋ قارقىنى رەسەي فەدەراتسياسىمەن سالىستىرعاندا ەكى ەسە تومەن.
كومپانيا 2021 جىلى ءوسۋ قارقىنىنىڭ 5,1%-عا دەيىن قالپىنا كەلتىرىلەتىنىن بولجايدى. ءوسۋ قارقىنى بويىنشا ورتاشا جانە ۇزاق مەرزىمدى بولجام 4-4,5% ارالىعىندا.
