كاليفورنيانىڭ سولتۇستىگىندەگى جويقىن ورمان ورتتەرى تامىز ايىنىڭ ورتاسىنان باستاپ 1906 شارشى شاقىرىم اۋماققا تارالدى. بۇل ەل تاريحىنداعى رەكوردتىق كورسەتكىش بولىپ وتىر.
ءتىلسىز جاۋمەن كۇرەسۋگە 14 مىڭ ءورت ءسوندىرۋشى جۇمىلدىرىلىپتى. 10 قىركۇيەكتەگى جاعداي بويىنشا 29 جەردەن ءورت وشاعى انىقتالعان.
ايتا كەتەيىك, 2020 جىلدىڭ باسىنان بەرى ورمان ورتتەرى كاليفورنيادا 12 مىڭ شارشى شاقىرىم اۋماقتى جويعان. وسى كەزەڭدە ورىن العان ءورت وقيعاسىنىڭ التاۋى 1930 جىلدان بەرى قاراي ەسەپتەگەندە, مەملەكەت تاريحىنداعى ەڭ ۇلكەن ورتتەر تىزىمىنە ەنگىزىلدى.
بىرنەشە كۇن بويى جالعاسىپ كەلە جاتقان قىزىل جالىن سالدارىنان كاليفورنيا اسپانى قىزعىلت تۇسكە بويالىپ, كۇندىزگى ۋاقىتتا دا دالا قاراڭعى بولىپ تۇرادى. ءتىپتى, قارا تۇنەك سەبەبىمەن قالالار بۇل ۋاقىتتا كوشە شامدارىن جاعۋعا ءماجبۇر.
بيلىكتىڭ مالىمەتىنشە, وسى ماۋسىمداعى ءورت سالدارىنان 12 ادام قايتىس بولعان. بىراق قۇربانداردىڭ سانى الدەقايدا كوپ بولۋى دا مۇمكىن. ويتكەنى كەيبىر اۋداندارداعى شىعىندى ەسەپتەۋ ءالى مۇمكىن بولماي تۇر. ازىرگە, ءورت سالدارىنان 3900 عيمارات قيرادى. ساراپشىلار بۇل ءتىزىمنىڭ دە الداعى ۋاقىتتا ءوسۋى مۇمكىن ەكەنىن ايتىپ وتىر.
