وبلىستىق پوليتسيا دەپارتامەنتىنىڭ مالىمەتىنشە, 2020 جىلعى 6 قىركۇيەكتە ەكىباستۇز پوليتسياسىنا كامەلەتكە تولماعان بالالاردىڭ اتا-انالارى ولاردى ىزدەۋ تۋرالى ءوتىنىش بىلدىرگەن.
"ساعات 20.00 شاماسىندا 2007 جىلى تۋعان ەكىباستۇز قالاسىنىڭ جوببم وقۋشىسى جانە 2002 جىلى تۋعان كامەلەتكە تولماعان كوللەدج وقۋشىسى ۇيدەن كەتكەنى انىقتالدى. پوليتسيا قىزمەتكەرلەرى دەرەۋ باعدار جاساپ, اۋماقتىق بولىمشەلەرگە جىبەردى. ولاردى ىزدەستىرۋگە پوليتسيا قىزمەتكەرلەرى, "Vita" جانە "لەگيون 14" ەرىكتىلەرى مەن بەي-جاي قارامايتىن ازاماتتار قاتىستى", - دەدى پوليتسيا دەپارتامەنتى كريمينالدىق پوليتسيا باسقارماسى باستىعىنىڭ ورىنباسارى پولكوۆنيك ارمان سابيەۆ.
ىزدەستىرۋ ءىس-شارالارىنىڭ ناتيجەسىندە پاۆلودار وبلىسىنىڭ جەدەل قىزمەتكەرلەرى شىعىس قازاقستان وبلىسىنىڭ پوليتسەيلەرىمەن بىرلەسىپ, كامەلەتكە تولماعانداردىڭ ەكەۋى دە وسكەمەن قالاسىنداعى قوناق ۇيلەردىڭ بىرىندە ەكەنىن انىقتاعان.
پوليتسيا زاڭدى وكىلدەردىڭ جاۋاپكەرشىلىگى تۋرالى ماسەلەنى قاراستىرۋدا.
