گەنادي زيۋگانوۆ رەسەي پرەزيدەنتىنەن ۇكىمەتتى وتستاۆكاعا جىبەرۋدى تالاپ ەتپەكشى. بۇل تۋرالى Utro.ru حابارلادى.
«ءبىز ۇكىمەتتىڭ وتستاۆكاعا كەتۋىن قولدايتىن 2 ميلليونعا جۋىق ادامنان قول جيناپ شىقتىق», – دەپ مالىمدەدى رەسەي فەدەراتسياسى كوممۋنيستەر پارتياسىنىڭ حاتشىسى سەرگەي وبۋحوۆ.
ۇستىمىزدەگى جىلدىڭ شىلدە ايىندا رەسەي فەدەراتسياسى كوممۋنيستەر پارتياسى ۇكىمەتتى قىزمەتىنەن بوساتۋ جونىندە نيەت بىلدىرگەن بولاتىن. پارتيا جەتەكشىسى گەنادي زيۋگانوۆ قۇجاتقا 101 دەپۋتاتتىڭ قولى قويىلعانىن ءمالىم ەتتى. ال ماسەلەنى مەملەكەتتىك دۋماعا وتكىزۋ ءۇشىن 90 ادامنىڭ قولى جەتكىلىكتى.
كوممۋنيستەر ۇكىمەتتىڭ قىزمتتەن كەتۋىن تالاپ ەتۋگە بىرقاتار سەبەپتەر بار ەكەنىن ايتادى. ولاردىڭ ىشىندە ەكونوميكانىڭ جۇيەلى داعدارىسقا ۇشىراۋى, «قابىلەتسىز قارجى ساياساتى» مەن «مەملەكەتتىك م ۇلىكتى تالان-تاراجعا سالۋ» ماسەلەلەرى بار. سونداي-اق كوممۋنيستەر پارتياسى ۇكىمەتتىڭ عىلىمي-تەحنيكا سالاسىنا جەتىك نازار اۋدارمايتىنىن, جەمقورلىق پەن ۇلتتىق قاۋىپسىزدىككە نۇقسان كەلتىرەتىن وزگە دە ماسەلەلەردى شەشە الماي جاتقانىن العا تارتتى.
ايدار ورىسباەۆ.
