جانۋاردىڭ يەسى التىنسارين اۋدانىنىڭ تۇرعىنى بولىپ شىقتى. جىلقى زاڭدى يەسىنە قايتارىلدى. پوليتسەيلەردىڭ ايتۋىنشا, بارىمتاشىلاردىڭ بيىلعى شىلدە ايىندا قاراسۋ اۋدانى اۋماعىنان جىلقى ۇرلاعانى دالەلدەنگەن. سونداي-اق ولاردىڭ قوستاناي اۋدانىنا قاراستى ەلدى مەكەننەن 50 جىلقى, ال التىنسارين اۋدانىنىڭ ششەرباكوۆ اۋىلىنان 60 جىلقى ۇرلاماق بولعانى انىقتالىپ وتىر. قازىر قىلمىستىق توپتىڭ ەكى مۇشەسىنە رەسمي ايىپ تاعىلىپ, ەكەۋى دە قاماۋعا الىندى.
"قر قىلمىستىق كودەكسىنىڭ 188-1-بابىنىڭ 2-ءبولىمى جانە 188-1-بابىنىڭ 3-بولىمىنە سايكەس, ولاردىڭ مۇلكى تاركىلەنىپ, 3 جىلدان 10 جىلعا دەيىنگى مەرزىمگە باس بوستاندىعىنان ايىرىلۋى مۇمكىن", - دەپ مالىمدەدى وبلىستىق پوليتسيا دەپارتامەنتىنىڭ ءباسپاسوز قىزمەتى.
