ايماقتار • 08 قىركۇيەك، 2020

الماتى وبلىسىندا ادامدى سۋدان قۇتقارعان ءجاسوسپىرىم مەدالمەن ماراپاتتالدى

19 رەت كورسەتىلدى

بۇگىن الماتى وبلىسىنىڭ تالعار اۋدانىندا 15 جاستاعى ەرجۇرەك كۋرسانت مەدالمەن ماراپاتتالدى، دەپ حابارلايدى Egemen.kz قازاقپاراتقا سىلتەمە جاساپ.

 

بەيسەن ميراس اعىنى قاتتى وزەنگە باتىپ بارا جاتقان ادامدى امان الىپ قالعانى ءۇشىن قر ىشكى ىستەر ءمينيسترىنىڭ بۇيرىعىمەن "سۋعا باتقان ادامدى قۇتقارعانى ءۇشىن" مەدالىمەن ماراپاتتالدى.

سالتاناتتى ماراپاتتاۋ ءراسىمى "ارىستان" مامانداندىرىلعان ليتسەيىندە ءوتتى. مەدالدى الماتى وبلىسى پوليتسيا دەپارتامەنتى باستىعىنىڭ ورىنباسارى وراز جولداسوۆ تابىستادى.

"ەستەرىڭىزگە سالا كەتەيىك، بيىل ميراس پەن ونىڭ دوستارى تالعار قالاسىنىڭ ورتالىعىنداعى كوپىردەن اعىسى قاتتى وزەنگە سەكىرىپ كەتكەن ەر ادامدى بايقاپ قالعان. 15 جاستاعى ءجاسوسپىرىم وزەننىڭ اعىس بويىمەن تومەن جاققا جۇگىرىپ، قاتتى اعىستان قورىقپاستان، سۋعا باتقان ادامدى قۇتقارىپ قالدى"، دەدى وراز جولداسوۆ.

جابىرلەنۋشىنىڭ وڭ اياعى سىنعان، ميى شايقالىپ جانە باسقا دا زاقىمدار العان. بىراق ميراستىڭ ەرلىككە پاراپار ارەكەتىنىڭ ارقاسىندا ءتىرى قالدى.

"قاراپايىم عانا، ادامگەرشىلىگى جوعارى ءجاسوسپىرىم ءوز قىلىعىن ازاماتتىق بورىشىم دەپ سانايدى. ول ءوز ومىرىنە قاۋىپ ءتونىپ تۇرسا دا، تاۋەكەلگە بارىپ، وزگەنىڭ ءومىرىن قۇتقارىپ قالدى. حالىقتىڭ مۇنداي ۇلدارىن تەك ماقتان تۇتۋى ءتيىس. ميراستىڭ اتا-اناسى مەن وقىتۋشىلار قۇرامىنا جاقسى ءارى پاتريوتتىق تاربيە بەرگەنى جانە قاجەت جاعدايدا باعامدى شەشىم قابىلداۋعا ۇيرەتكەندەرى ءۇشىن العىس ايتامىز"، دەپ اتاپ ءوتتى دەپارتامەنت باستىعىنىڭ ورىنباسارى.

 

سوڭعى جاڭالىقتار

ۇقساس جاڭالىقتار