قازاقستان • 08 قىركۇيەك، 2020

ەرلان كارين: اۋىل اكىمدەرىن تىكەلەي سايلاۋ - ۇلكەن ساياسي بەتبۇرىستاردىڭ باسى

21 رەت كورسەتىلدى

اۋىل اكىمدەرىن تىكەلەي سايلاۋ - ۇلكەن ساياسي بەتبۇرىستاردىڭ باسى. مۇنداي پىكىردى قر پرەزيدەنتىنىڭ كەڭەسشىسى ەرلان كارين ءبىلدىردى، دەپ حابارلايدى Egemen.kz قازاقپاراتقا سىلتەمە جاساپ. 

"قىركۇيەكتىڭ ءبىرىنشى كۇنى پارلامەنتتىڭ جاڭا سەسسياسىنىڭ اشىلۋىندا پرەزيدەنت قاسىم-جومارت كەمەل ۇلى توقاەۆ قازاقستان حالقىنا جاڭا جولداۋىن جاريالادى. جولداۋ كولەمدى دە مازمۇندى بولعانى سونشالىق كەيبىر باقىلاۋشىلار پرەزيدەنت پارلامەنت مىنبەرىنەن 88 مينۋت بويى ۇزدىكسىز ءسوز سويلەدى دەپ ەسەپتەپتى. شىندىعىندا دا، پرەزيدەنت جولداۋى كولەمدى قۇجات بولىپ شىقتى. بيىلعى جولداۋ 11 ءىرى تاراۋدان تۇرادى: ەكونوميكا، مەملەكەتتىك باسقارۋ، الەۋمەتتىك ساياسات، ايماقتاردىڭ دامۋى، ءبىلىم بەرۋ، دەنساۋلىق ساقتاۋ، تسيفرلاندىرۋ، ەكولوگيا، قۇقىق قورعاۋ سالاسى، ساياسي رەفورما جانە جاڭا قۇندىلىقتار. كەيبىر ساراپشىلار پرەزيدەنتتىڭ بيىلعى جولداۋىندا «ساياسي تاقىرىپ از قامتىلدى» دەپ باعا بەرۋدە. وكىنىشكە وراي بۇل ساراپشىلار اتالعان ماڭىزدى قۇجاتتى مۇقيات قاراپ، تەرەڭ تالداماعانى كورىنىپ تۇر"، دەدى ەرلان كارين.

ونىڭ ايتۋىنشا، شىن مانىسىندە پرەزيدەنت بيىلعى جولداۋدا ءبىر ەمەس بىرنەشە تاراۋدى وزەكتى، ءتۇرلى ساياسي-قوعامدىق ماسەلەلەرگە ارناپ، كوپتەگەن جاڭا ساياسي باستامالاردى جاريالادى.

"كەلەسى ساياسي باستامالاردى ايتۋعا بولادى: ازاماتتارعا رەفورمالارعا باستاماشى بولىپ، ۇسىنىستار بەرۋ ءۇشىن ونلاين پەتيتسيالاردىڭ بىرىڭعاي ينستيتۋتىن قۇرۋ، جەرگىلىكتى ءوزىن-ءوزى باسقارۋ تۇجىرىمداماسىن ازىرلەۋ جانە قابىلداۋ، جەرگىلىكتى ءوزىن-ءوزى باسقارۋ ورگاندارىنىڭ مارتەبەسىن كوتەرۋ، جەرگىلىكتى ءوزىن-ءوزى باسقارۋدىڭ قارجىلىق مۇمكىندىگىن نىعايتۋ، ءماسليحاتتاردىڭ رەۆيزيالىق كوميسسياسىن كۇشەيتۋ، ماسليحاتتارعا ءوڭىردى دامىتۋ بويىنشا پەتيتسياعا قول جيناۋعا، ازىرلەۋگە قۇزىرەت بەرۋ، ءماسليحات وتىرىستارىنىڭ ونلاين كورسەتىلىمىن ەنگىزۋ، قوعامدىق باقىلاۋ تۋرالى زاڭدى ازىرلەۋ جانە قابىلداۋ، كۆازيمەملەكەتتىك سەكتوردا قوعامدىق كەڭەستەردى قۇرۋ، م ۇلىكتىك مەنشىك يەلەرىنىڭ بىرلەستىگى ينستيتۋتىن ەنگىزۋ بويىنشا رەفورما جاساۋ"، دەدى ول.

ەرلان كارين سونىمەن قاتار بيىلعى جولداۋدا قۇقىق قورعاۋ جۇيەسىن رەفورمالاۋ بويىنشا دا جاڭا، تىڭ باستامالار ۇسىنىلعانىن ايتادى.

"مىسالى، ەكونوميكالىق ىنىتىماقتاستىق جانە دامۋ ۇيىمى ەلدەرىنىڭ تاجىريبەسى بويىنشا قىلمىسپەن كۇرەس سالاسىن وزگەرتىپ، وكىلەتتىكتەردىڭ ارا جىگىن ناقتى اجىراتاتىن ءۇش بۋىندى ەنگىزۋ، جەرگىلىكتى پوليتسيا قىزمەتىن رەفورمالاۋ، ۋچاسكەلىك پوليتسيا مارتەبەسىن كوتەرۋ، پوليتسيانىڭ قىزمەتتىك عيماراتتارى مەن تۇزەتۋ مەكەمەلەرىندە جاپپاي بەينەباقىلاۋ ورناتۋ. سونداي-اق بيىلعى جولداۋدا ادام قۇقىقتارى ماسەلەسىنە ەرەكشە نازار اۋدارىلدى. اتاپ ايتقاندا، بالا قۇقىعىنا قاتىستى حالىقارالىق كونۆەنتسيانىڭ فاكۋلتاتيۆتىك حاتتاماسىنا قوسىلۋ، ازاماتتاردى كيبەربۋللينگتەن قورعاۋ بويىشا زاڭنامالىق شارالاردى قابىلداۋ، حالىقارالىق كونۆەنتسيانىڭ قوسىمشاسىنا سايكەس ازاپتاۋدىڭ بارلىق تۇرىمەن كۇرەس بويىنشا زاڭنامانى جەتىلدىرۋ جانە ادام ساۋداسىنا قارسى كۇرەس بويىنشا زاڭنامانى جەتىلدىرۋ"، دەدى ول.

پرەزيدەنت كەڭەسشىسىنىڭ پايىمىنشا، ەڭ باستى ساياسي رەفورما ول كەلەسى جىلدان، ياعني، 2021 جىلدان باستاپ اۋىل اكىمدەرىنىڭ تىكەلەي سايلاناتىندىعى بولىپ وتىر.

"2010 جىلدان باستاپ اۋىل اكىمدەرى ءماسليحاتتار ارقىلى جاناما 4 جىلعا سايلاناتىن. سوندىقتان 2017 جىلى كەزەكتى سايلاۋ ءوتىپ، 2021 جىلى، كەلەسى جىلى اۋىل اكىمدەرىنىڭ وكىلەتتىكتەرى اياقتالاتىنى بەلگىلى. سوعان بايلانىستى پرەزيدەنت قاسىم-جومارت كەمەل ۇلى توقاەۆ كەلەسى جىلدان باستاپ وكىلەتتىگى توقتاعان اۋىل اكىمدەرى ەندى تىكەلەي سايلاناتىن بولادى دەپ شەشىم قابىلدادى. بۇل ءبىزدىڭ ەلىمىز ءۇشىن وتە ماڭىزدى ساياسي رەفورما، ۇلكەن ساياسي بەتبۇرىستاردىڭ باسى دەپ قابىلداۋىمىز كەرەك. وسىلايشا، پرەزيدەنتتىڭ جاڭا باستامالارىن ساياسي رەفورمالاردىڭ 2-توپتاماسى دەپ قابىلداۋعا بولادى. ەستەرىڭىزگە سالىپ وتەيىن، ءبىرىنشى توپتاما وتكەن جىلى ۇلتتىق كەڭەستىڭ 2-وتىرىسىندا جاريالاندى. مازمۇنى جاعىنان جاڭا توپتاما اۋقىمدى. ساياسي جاڭعىرۋعا قاتىستى تاراۋدى تۇيىندەي كەلە پرەزيدەنت ساياسي سالانى جاڭعىرتۋ جالعاساتىنىن جانە مەملەكەتتىك بيلىكتىڭ بارلىق دەرلىك ينستيتۋتتارى رەفورمالاناتىندىعىن تاعى دا باسىپ ايتتى. ال بارلىق رەفورمالاردىڭ نەگىزگى ماقساتى - تۇتاس مەملەكەتتىڭ تيىمدىلىگىن ارتتىرۋ"، دەدى ەرلان كارين.

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار