تابيعات ساقشىلارى تورعاي اۋىلىنان 15 شاقىرىم جەردە بەيساۋات جۇرگەن ەر ادامدى بايقاعان. كەيىن ونىڭ ءتۇن جامىلىپ قابان اتىپ, سول جەردە ولجاسىن سويىپ, بۇزىپ جىلىكتەگەنى بەلگىلى بولدى.
كۇدىكتى ءوزىنىڭ اڭعا شىققانىن, جابايى قابانداردى اتىپ العانىن مويىندادى. ودان اڭشى پىشاعى مەن 16 كاليبرلى اڭشى مىلتىعى تاركىلەنىپ الىندى.
پوليتسيا دەپارتامەنتى ءباسپاسوز قىزمەتىنىڭ مالىمەتىنشە, اتالعان فاكتى بويىنشا قر قك-ءنىڭ 337-بابىندا كورسەتىلگەن "زاڭسىز اڭ اۋلاۋ" قىلمىسى بويىنشا سوتقا دەيىنگى تەرگەۋ باستالعان.
جالپى, كۇزگى اڭ اۋلاۋ ماۋسىمى باستالعالى وبلىستا 36 اكىمشىلىك قۇقىق بۇزۋشىلىق تىركەلگەن. ونىڭ ىشىندە اڭ اۋلاۋ ەرەجەلەرىن بۇزعانى ءۇشىن 27, بالىق اۋلاۋ ەرەجەلەرىن بۇزعانى ءۇشىن 4, قارۋ الىپ ءجۇرۋ جانە تاسىمالداۋ ەرەجەلەرىن بۇزعانى ءۇشىن 4 ادام جاۋاپكەرشىلىككە تارتىلعان.
قازىر ايماقتا زاڭسىز اڭشىلىققا قارسى رەيد شارالارى ءوتىپ جاتىر. پد-ءنىڭ حابارلاۋىنشا, شارانىڭ العاشقى ءۇش كۇنى ىشىندە وبلىستاعى اڭشىلىق القاپتارى مەن سۋ ايدىندارىندا 828 اڭشى تەكسەرىلگەن.
قوستاناي وبلىسى
