"مەملەكەت باسشىسى اتاپ وتكەندەي, مەملەكەتتىك باسقارۋعا, كادر ساياساتىنا, شەشىمدەر قابىلداۋ مەن ولاردىڭ ورىندالۋى ءۇشىن جاۋاپكەرشىلىك جۇيەسىنە قويىلاتىن تاسىلدەردى وزگەرتۋ قاجەت. بىزگە كاسىبي دەڭگەيى جوعارى, جاڭا كوزقاراستار مەن باستامالارعا يە ماماندار قاجەت. قۇزىرەتتى جانە باسەكەگە قابىلەتتى ماماندارتى تارتۋ – اگەنتتىكتىڭ دىتتەگەن باستى ماقساتتارىنىڭ ءبىرى. وسىعان وراي مەملەكەتتىك قىزمەتكە ىرىكتەۋ ءراسىمى جىلدان جىلعا جەتىلۋدە. بۇگىن قاجەتتى ءنورماتيۆتى-قۇقىقتىق بازا جۇمىس ىستەۋدە", دەگەن ب.بەسپالينوۆ بۇل سالادا ءارى تىندىرار ءىستىڭ مول ەكەنىن مالىمدەدى.
ءوز جولداۋىندا پرەزيدەنت مەملەكەتتىك اپپاراتتى جانە كۆازيمەملەكەتتىك سەكتور قىزمەتكەرلەرىن قىسقارتۋ مەرزىمدەرىن جىلدامداتۋدى تاپسىردى. شاعىن ءارى ءتيىمدى مەملەكەتتىك اپپاراتتى قالىپتاستىرۋ ماقساتىندا اگەنتتىك ساۋاتتى ءارى جان-جاقتى ويلاستىرىلعان وڭتايلاندىرۋ قاعيداتىن ۇستاناتىن بولادى.
مەملەكەتتىك ورگانداردىڭ قۇرىلىمدارىنداعى ارتىق سالالار قايتا قاراستىرىلادى. ناتيجەسىندە قايتالاناتىن مىندەتتەر جويىلىپ, بيزنەس-پروتسەسستەر جوعارى اۆتوماتتاندىرۋ جانە تسيفرلاندىرۋ ارقىلى وڭتايلاندىرىلاتىن بولادى. لاۋازىمداردى وڭتايلاندىرۋ بارىسىندا بوس جانە الەۋەتتى بوس لاۋازىمدار ەسكەرىلەتىن بولادى.
بريفينگتى قورىتا كەلە, ب.بەسپالينوۆ قويىلعان مىندەتتەردىڭ ۋاقىتىلى جانە وزەكتى ەكەنىن, ال مەملەكەتتىك اپپاراتتىڭ وسى مىندەتتەردى شەشۋگە قاۋقارى بار ەكەندىگىن اتاپ ءوتتى.
