رۋحانيات • 08 قىركۇيەك، 2020

ماناس – جاھاندانۋ باستاۋى: ەلوردادا حالىقارالىق كونفەرەنتسيا ءوتتى

21 رەت كورسەتىلدى

نۇر-سۇلتان قالاسىنىڭ دوستىق ۇيىندە «جىر» ورتالىعىنىڭ "ماناس – جاھاندانۋ باستاۋى" تاقىرىبىندا حالىقارالىق ونلاين-كونفەرەنتسيا ءوتتى. كونفەرەنتسيانى ەلوردالىق قازاقستان حالقى اسسامبلەياسى، ماناس جانە شىڭعىس ايتماتوۆ ۇلتتىق اكادەمياسى جانە ەۋرازيالىق شىعارماشىلىق گيلديانىڭ ۇيىمداستىرۋىمەن ءوتتى، دەپ حابارلايدى Egemen.kz.

حالىقارالىق ونلاين-كونفەرەنتسيا مودەراتورى پروفەسسور، تانىمال جىراۋ، اۆتور ءارى ورىنداۋشى الماس الماتوۆ بولدى. "قازاق ەلىنىڭ الەم حالىقتارى قاۋىمداستىعىنا قابىلدانىپ، تۇركى تىلدەس حالىقتارمەن دوستىق، باۋىرلاستىق ماقسات-مۇراتتارى ۇندەسىپ، ادامزات دامۋىنىڭ جاڭا كەزەڭىنە كوتەرىلۋى - ۇلت پەن ۇرپاق تاربيەسىنىڭ مازمۇنىن جەتىلدىرۋ ماسەلەلەرىن جاڭا تۇرعىدان قاراۋدى تالاپ ەتىپ وتىر. ءبىز، ادەبيەت، ونەر سالاسىنداعى الەمدىك جاھاندانۋ ءۇردىسىنىڭ الدىن الا ناقتى ءىس ارەكەتتەرگە كوشىپ، تۇركى حالىقتارىنىڭ ادامزات تاريحىنداعى جەتەكشى ءرولى مەن ادەبيت، ونەر، مادەني مۋزىكالىق مۇرالارىن تەرەڭ وقىپ ۇيرەنۋگە جانە بولاشاق دامۋ جولىن ايقىنداۋعا مىندەتىمىز. قىرعىز حالقىنىڭ داڭقتى مۇراسى "ماناس" باتىرلىق ەپوسى دۇنيە جۇزىلىك مادەنيەتتىڭ التىن قورىنا ەنگەن، ادامزاتتىڭ ورتاق قازىناسى"، دەپ اتاپ ءوتتى ا. الماتوۆ.

نۇر-سۇلتان قالاسى ىشكى ساياسات باسقارماسى ەتنوسارالىق قاتىناستار ماسەلەلەرى جونىندەگى ءبولىم باسشىسى ءلاززات قۇسايىنوۆا "ماناس" جىرىنىڭ ماڭىزدىلىعىنا توقتالدى. "ماناس" قىرعىز ەپوسى ادامزاتتىڭ ماتەريالدىق ەمەس مادەني مۇراسىنىڭ شەدەۆرلەرىنىڭ تىزىمىنە ەنگىزىلگەن. الەمدەگى ەڭ كولەمدى ەپوس رەتىندە گيننەستىڭ رەكوردتار كىتابىنا كىرگەن. قىرعىز مادەنيەتى تاريحىندا ەرتەگى-ەليتالىق ونەر، جوعارى رۋحانيلىقتىڭ كورىنىسى بولىپ تابىلادى. اڭگىمەشىلەردىڭ بەدەلى جوعارى: ولار حالىقتىڭ قاسيەتتىسى – "ماناسپەن" بايلانىستا بولدى.  سوندىقتان بۇگىن بىزگە قۇرمەتتى ماناسشىلاردى  تىڭداۋعا مۇمكىندىك بەرىلىپ وتىر"، دەدى ل.قۇسايىنوۆا.

كونفەرەنتسيا حالىقارالىق دەڭگەيدە قازاقستان مەن تمد ەلدەرىنىڭ عىلىمي مەكەمەلەرىنىڭ عالىمدارىنىڭ قاتىسۋىمەن ۇيىمداستىرىلدى. ونلاين-كونفەرەنتسياعا قاتىسۋ ءۇشىن قىرعىزستاندىق جانە شەتەلدىك عالىمدار، قوعام قايراتكەرلەرى، ءبىلىم بەرۋ سالاسىنىڭ وكىلدەرى شاقىرىلدى.

كونفەرەنتسياعا قاتىسقان ماناس جانە شىڭعىس ايتماتوۆ ۇلتتىق اكادەمياسىنىڭ پرەزيدەنتى  ت. تۋرگۋناليەۆ، ماناس جانە شىڭعىس ايتماتوۆ ۇلتتىق اكادەمياسىنىڭ ۆيتسە-پرەزيدەنتى ت.كەنەنساريەۆ، ماناسشى، "ساياكباي ماناسچى» قورىنىڭ پرەزيدەنتى ر.يساكوۆ، اقىن، دراماتۋرگ، قازاقستاننىڭ ەڭبەك سىڭىرگەن قايراتكەرى  ب.ءالىمجانوۆ، ەۋرازيالىق شىعارماشىلىق گيلديانىڭ ۆيتسە-توراعاسى م. احمەدجانوۆ، قىرعىزستاننىڭ حالىق جازۋشىسى س.راەۆ،  ماناستانۋشى، ا.جۋماتۋردۋ، فولكلور-ەتنوگرافشى س.كايىپوۆ، تاريحشى ت.چوروتەگين جانە «قىرعىزستان-استانا» ەمب توراعاسى ش.يسمايلوۆ تۇركى حالىقتارىنىڭ ورتاق ماقتانىشى تۋرالى ءسوز ەتتى.

حالىقارالىق ونلاين-كونفەرەنتسيانىڭ ەكىنشى بولىمىندە ەۋرازيالىق شىعارماشىلىق گيلديا مۇشەسى ب. ءالىمجانوۆتىڭ "سكاز ستولەتنەگو ستەپنياكا" كىتابىنىڭ تۇساۋكەسەرى ءوتتى.

سوڭعى جاڭالىقتار

ۇقساس جاڭالىقتار