قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن.ن. نازارباەۆتىڭ ءبىرىنشى رەزيدەنتسياسى عيماراتىندا ورنالاسقان ەلباسى كىتاپحاناسى وسى جىلدىڭ 3 قىركۇيەگىنەن باستاپ كەلۋشىلەرگە ەسىگىن قايتا اشتى. تەگىن ەكسكۋرسيالىق جانە تاقىرىپتىق ەكسكۋرسيالار ون ادامنان اسپايتىن توپتارعا الدىن الا جازىلۋ ارقىلى قول جەتىمدى.
ەلباسى كىتاپحاناسىنىڭ ديرەكتورى, ساياسي عىلىمدارىنىڭ دوكتورى, پروفەسسور ءامىرحان راحىمجانوۆ اتاپ وتكەندەي, كارانتين كەزىندە كىتاپحانا قالىپتاسقان جاعدايدىڭ تالاپتارىن قاناعاتتاندىرا وتىرىپ, جۇمىستىڭ جانە كوپشىلىكپەن بايلانىستىڭ جاڭا فورماتىنا كوشتى. پاندەميا باستالماس بۇرىن جوسپارلانعان كوپتەگەن ءىس-شارالار ۆيرتۋالدى كورمەلەر مەن ەكسكۋرسيالارعا اينالدى.
"ەلباسى كىتاپحاناسىنىڭ عيماراتى جابىق بولعانىمەن, ول ءوز جۇمىسىن توقتاتقان جوق. بارلىق ءىس-شارالار ۆيرتۋالدى كەڭىستىككە كوشتى. ءبىزدىڭ ارنايى جوبامىز – نازارباەۆ ورتالىعى مەن ەلباسى كىتاپحاناسى مۇراجايىنىڭ كورمە زالدارىنا بەينەتۋرلار. ءبىز مەرەكەلەر مەن ەستە قالارلىق داتالارعا ارنالعان بەينەتۋرلار, سونىمەن قاتار ساۋالنامالىق جانە تاقىرىپتىق ەكسكۋرسيالار دايىندادىق: قازاقستان رەسپۋبليكاسىنىڭ مەملەكەتتىك رامىزدەرى كۇنىنە, حالىقارالىق مۇراجايلار كۇنىنە, حالىقارالىق يادرولىق سىناقتارعا قارسى كۇنىنە, قازاقستانداعى پرەزيدەنتتىك ينستيتۋتتىڭ 30 جىلدىعىنا جانە باسقالارعا ارنالعان. ولاردىڭ بارلىعى قازاق, ورىس جانە اعىلشىن تىلدەرىندە وتەدى", - دەپ ءا. راحىمجانوۆ بارلىق بەينەتۋرلاردىڭ ەلباسى كىتاپحاناسى رەسمي سايتىنىڭ "بەينە گالەرەياسىندا" ورنالاستىرىلعانىن اتاپ ءوتتى.
بەينەكورمەلەر - كارانتين كەزەڭىندە بەلسەندى دامىعان ەلباسى كىتاپحاناسىنىڭ كەڭ قورىن تانىتۋدىڭ تاعى ءبىر ءتۇرى بولىپ تابىلادى. كورمەلەر ءارتۇرلى فورماتتا وتكىزىلەدى: تاقىرىپتىق ەكسپوزيتسيالاردىڭ بەينەتۋرلارى; بەينەروليكتەر; كورمەنىڭ ءار فراگمەنتىن ەگجەي-تەگجەيلى زەرتتەۋگە بولاتىن پرەزەنتاتسيا تۇرىندەگى ءداستۇرلى ەلەكتروندى فورمات; العاش رەت ء"بىر جادىگەر" كورمەسى ۇسىنىلدى.
